कञ्चनपुर, चैत्र २० – कञ्चनपुरको बेलौरी नगरपालिका-२, टेँढुवागाउँमा पसेको वयस्क भाले पाटेबाघलाई सोमबार राति शुक्लाफाँटा राष्ट्रिय निकुञ्जको कोर एरियामा छाडिएको छ।
डिभिजन वन कार्यालय कञ्चनपुरका प्रमुख रामविचारी ठाकुरका अनुसार, बाघलाई उद्धार प्रक्रिया पूरा गरेपछि निकुञ्जमा छोडिएको हो। उक्त पाटेबाघलाई गत शुक्रबार राति गाउँमा पसेको थियो र आइतबार दिउँसो मात्र नियन्त्रणमा लिइएको थियो।
बाघले गाउँमा एक बाच्छालाई मारेको भए पनि मानवीय क्षति भने छैन। गाउँमा बाघको उपस्थिति थाहा पाएपछि समयमै सतर्कता अपनाइएर अन्य जोखिमबाट बच्न सकियो। बाघ एक दिनभरि गहुँबारीमा बसेको थियो र चारैतिर बस्ती भएको ठाउँमा पुगेको थियो।
शुक्लाफाँटा राष्ट्रिय निकुञ्जमा हाल ३६ पाटेबाघ रहेको जनाइएको छ। डिभिजन वन कार्यालयले उद्धार गरिएका बाघको व्यवस्थापन निकुञ्जको जिम्मामा रहने बताएको छ।
