सिलगढी / डिभिजन वन कार्यालय बाजुराका डिभिजन वन अधिकृत सुरेशचन्द्र डिसीको अर्धनग्न अवस्थामा युवतीसँग तस्बिर समाजिक सञ्जालमा भाइरल भएकाे छ ।
अधिकृत डिसीकाे युवतीसँगै अर्धनग्न भएको तस्बिर वन निर्देशनालय धनगढीलेमा पुगेपछि ७ दिनभित्र चित्तबुझ्दो जवाफ पेस गर्न आज नै पत्राचार गरिएको हो। साथै उनकाे घुस लिँदै गरेको जस्तो देखिने तस्बिर सार्वजनिक भएकाे छ ।
उनकाे कुहर्कतले निजामती कर्मचारीको आचार विपरीत प्रस्तुत भएको भन्दै ७ दिनभित्र चित्तबुझ्दो जवाफ पेस गर्न पत्राचार गरेकाे सुदूरपश्चिम वन निर्देशनालयका वन निर्देशक हेमराज विष्टले बताए।
अधिकृत डीसी हालै मात्र डडेल्धुरावाट बाजुरा गएका थिए। तस्बिरमा वन अधिकृत डिसी मापसे गर्दै अर्धनग्न तरिकाले युवतीसँग बसेको तस्बिरले संकेत गर्छ ।
डिसीको अर्थनग्रन तस्बिर र घुस लिदै गरेकाे तस्बिर सामाजिक सञ्जालमा भाइरल भएपछि उनलाई निलम्बन गरी कारबाहीको माग गरिएको छ।
उसाे त निजामती सेवा ऐन, २०७९ को दफा १०१ र सुदूरपश्चिम प्रदेश निजामती सेवा नियमावली २०८१ को नियम १३१ मा व्यवस्था भए बमोजिम डिसीले ७ दिनभित्र स्पष्टीकरण दिनु पर्ने व्यवस्था छ ।
