मनमाेहन ठकुल्ला, डाेटी
व्यावसायिक रूपमा सुदुरपश्चिममै पहिलोपटक डाेटीमा चारजना युवाले सामुहिक मल्चिङमा लसुन खेति गरेका छन् ।

बाँझो जमिनकाे उपयोग गर्दै दिपायाल सिलगढी नगरपालिका वडा नम्बर ३ बान्नेकाेटमा तेज द्ववारिया, कैलास खड्का, दिपक शाहु, शैलेन्द्र खड्काले यस वर्ष पहिलोपटक परिक्षणकाे रूपमा मल्चिङ प्रविधि प्रयाेग गरेर लसुन खेतीकाे सुरूवात गरेका हुन् ।

१० राेपनी जमिन भाडामा ( अध्या) लिइ कृषि ज्ञान केन्द्र डाेटीकाे ५० प्रतिशत अनुदानमा मल्चिङ प्रविधिकाे प्रयाेग गरी लसुन खेति गरिरहेकाे युवा किसान शैलेन्द्र खड्काले बताउनु भयाे । साथै यस वर्ष लसुनमा मल्चिङ प्रविधि सफल भएपछि आगामी वर्ष खेतीकाे लागि क्षेत्र विस्तार गर्ने खड्काले बताउनु भएकाे छ । खड्काले भन्नुभयो,” मञ्चिङमा लसुन प्रविधि हामीलाई थाहै थिएन, ज्ञान केन्द्र प्रमुखसँग लसुन खेति बारे बुझ्दा याे प्रविधिकाे प्रयाेग गरेका हाैँ ।

“परिक्षणकाे रूपमा मल्चिङ प्रविधि प्रयोग गरि सुदुरपश्चिममै पहिलो पटक डाेटीमा लसुन खेती गरिएको छ, आशा छ राम्रो नतिजा आउनेछ ।” भनेर कृषि ज्ञान केन्द्र डाेटीका निमित्त कार्यालय प्रमुख गंगादत्त अवस्थीले बताउनुभयो । उहाँकाअनुसार ज्ञान केन्द्रकाे ५० प्रतिशत अनुदान र करिव ७५ हजारकाे हाराहारीमा किसानकाे लगानीमा लसुन खेति गरिएकाे हाे भने किसानलाई प्लास्टिक ज्ञान केन्द्र उपलब्ध गराएकाे हाे ।

मल्चिङ प्रविधिबाट खेती गर्दा गाेडमेल गर्नु नपर्ने, चिस्यान रहने, कम सिँचाइ, तापक्रम वृद्धि हुने भएकाले लसुनका बाेट छिटाे वृद्धि हुने यश प्रविधिका इत्यादी फाइदा रहेकाे प्रमुख अवस्थीकाे भनाइ छ ।

” कृषिमा काम गर्ने मान्छे थाेरै छन् , त्यसैले यस्तै आधुनिक प्रविधि अपनाउदा कृषि प्रवर्धन र किसान वृद्धि गर्न सकिन्छ ।” भनेर प्रमुख अवस्थीले बताउनुभयो ।

जिल्लामा खुल्ला रूपमा २५ राेपनी जमिनमा लसुन खेति छ ।

गतवर्ष देखि जिल्लामा ५० राेपनी जमिनमा मल्चिङ प्रविधि प्रयाेग गरि आलु खेती गरिदै आएकाे छ । खुल्ला भन्दा मञ्चिङमा आलु खेती राम्रो भएकाे ज्ञान केन्द्रले जनाएको छ ।