डाेटी / डाेटीमा आज ( आइतबार ) माेटरसाइकलले ठक्कर दिँदा ६० वर्षीय वृद्धा घाइते भएकी छन् । घाइते हुनेमा जिल्लाकाे शिखर नगरपालिका-६ मटेला की ६० वर्षिय टीका बलायर रहेकाे जिल्ला प्रहरी कार्यालय डाेटीले जनाएको छ । घाइते बलायरको दायाँ हात, दायाँ खुट्टा र छातीमा चोट लागेको र अवस्था मध्यम रहेकाे छ । उनलाई सुजङ्ग अस्पताल राजपुरमा उपचार पश्चात् थप उपचारका लागि धनगढी रेफर गरिएको जिल्ला प्रहरी कार्यालय डाेटीका प्रहरी नायव उपरीक्षक भिमलाल भट्टराईले बताए।
डिएसपी भट्टराईकाअनुसार बलायरलाई गोपघाटबाट दिपायल तर्फ आइरहेको दिपायल सिलगढी नगरपालिका-४ दिपायल बस्ने ३२ वर्षीय समसाद मन्सुरीले चलाएको सु.प.प्र. ०२००३ प २५६० नम्बरको मोटरसाइकलले बाटाे काट्ने क्रममा साँझ सवा ५ बजे ठक्कर दिएको हो ।
वृद्धलाई ठक्कर दिएर फरार रहेका मोटरसाइकल चालक समसाद र पछाडि सवार आरिफ मन्सुरीलाई भागदै गरेकाे अवस्थामा नियन्त्रणमा लिएकाे प्रहरीले जनाएको छ । घटनाबारे थप अनुसन्धान भैरहेको छ ।
