डाेटी / जिल्ला आयुर्वेद स्वास्थ्य केन्द्र दिपायल, डोटी अन्तर्गतको नागरिक आरोग्य सेवा केन्द्र आदर्श शाखाले गाउँपालिकाकाे वडा न. २ मा विभिन्न कार्यक्रमका साथ नागरिक आरोग्य अभियान तथा अभिमुखिकरनण कार्यक्रम गरेको छ।
आज बुधबार उक्त अभिमुखीकरण कार्यक्रममा मधुमेह, उच्च रक्तचाप, मोटोपन लगायतका रोगहरुको पहिचान तथा चेकजाँच गरिएको थियाे ।
पछिल्लो समय जनस्वास्थ्यको विकराल समस्याको रुपमा देखा पर्न थालेकाे, नसर्ने रोगहरुको पहिचान गर्नु र समयमै व्यवस्थापन गर्नु आवश्यक रहेकाले कार्यक्रम गरेकाे आयुर्वेद स्वास्थ्य केन्द्र दिपायलले जानकारी दिएकाे छ ।
जिल्ला आयुर्वेद स्वास्थ्य केन्द्र दिपायलका योग प्रशिक्षक बलदेव जोशीका अनुसार भान्सामा दैनिक प्रयोग हुने मसला जन्य वस्तुहरुलाई स्वस्थ तथा सन्तुलित किसिमले अपनाइ स्वास्थ्य रक्षार्थ प्रयोग गर्ने तरिकाको बारेमा सहभागिहरुलाई सिकाइएको थियाे ।
भान्सामा दैनिक प्रयाेग गर्दै आएका मसलेदार खानेकुरा हामिले पहिचान गर्न नसक्दा समस्या खेपिरहेको छौँ, अबका दिनमा भान्सामा प्रयोग हुने मसालाहरुलाई सहि तरिकाले प्रयोग गरी स्वस्थ रहनु पर्ने कुरा मौवा नगरदह स्वास्थय चौकी प्रमुख दिपकराज ओझाले बताएका छन् ।
कार्यक्रमबाट सिकेको करालाई व्यवहारमा लागू गरी स्वस्थ जिवनशैली अपनाउने कार्यक्रमका सहभागी स्वमसेविकाहरुले बताएका छन् ।
