मनमाेहन ठकुल्ला, डाेटी,
अस्पतालकाे स्वास्थ्य सेवालाई थप गुणस्तरीय बनाउनकाे लागि जिल्ला अस्पताल डाेटीले बाल राेग र जनरल फिजिसियन सेवा पुनः सुचारू गरेकाे छ ।
अस्पतालले दिदै आएकाे स्वास्थ्य सेवालाई निरन्तरता दिन बाल रोग विशेषज्ञ डा. अनिल कुमार गुप्ता र जनरल फिजीसियन डा. अरुन कुमार गुप्ता आएपछि पुन: सेवा सुरू गरिएकाे हाे ।
अस्पतालले दिएकाे जानकारी अनुसार दशैदेखि अस्पतालमा विशेषज्ञ डाक्टरको अभाव हुँदा सुदूरपश्चिम प्रदेश सरकारले स्रोतकाे सुनिश्चित गरिदिएपछि दुई जना विशेषज्ञ डाक्टर आएका हुन् । त्यसैगरी अस्पतालमा विशेषज्ञ डाक्टरको सङ्ख्या
एमडीजिपी डा. नीराजन श्रेष्ठ लगायत ३ पुगेकाे छ भने एमबिबिएस डाक्टरकाे संख्या ८ गरि अस्पतालमा जम्मा डाक्टरकाे संख्या ११ पुगेकाे अस्पतालले जानकारी दिएकाे छ ।
वर्तमान समयमा अस्पतालबाट दैनिक १ सय देखी १ सय ५० जनासम्म बिरामीले सेवा लिदै आएकाे र फेरि विशेषज्ञ डाक्टर थपभएसँगै बिरामीको सङ्ख्या बढ्ने अस्पतालले अनुमान गरेकाे छ ।
जिल्ला अस्पताल डाेटीका मेडिकल सुपरिटेन्डेन्ट डा. सुजित कुमार मण्डलका अनुसार अस्पतालले वर्तमान समयमा विशेषज्ञ सेवाहरू एमडिजिवी तथा इमर्जेशी सेवा, भ्यासेक्टाेमी, मिनिल्याब, हाइड्राेसिल, हर्निया, पाठेघर खसेकाे, एपेन्डिसाइटकाे अप्रेसन सेवा लगायत अन्य सेवा दिइदैआएकाे छ ।
डा. मण्डलले भन्नू भयाे “अस्पतालले लक्ष्यित वर्गलाई सामाजिक सुरक्षा काेषबाट नि:शुल्क सेवा दिइदै आएकाे छ, त्यस्ता सेवाग्राहीलाई पनि प्रमाणपत्रका आधारमा ५० प्रतिशत छुट, इमर्जेन्सी र ओपीडि २ हजार ५ सयसम्मकाे नि:शुल्क सेवा तथा एकचाेटी बेड भर्ना भएका बिरामीलाई ४ हजार सम्मकाे नि:शुल्क उपचार गर्दै आएकाे बताउनु भयाे । त्यस्तै अस्पतालबाट सघन शिशु उपचार पनि सुरू भएकाे डा. मण्डलले बताउनु भयाे ।
