डाेटी, डाेटीमा पानी छोएको आरोपमा एक दलित यूवकमाथि कुटपिट भएकाे छ ।

हिजाे (आइतबार) दिउँसो जिल्लाकाे के.आई.सिंह गाउँपालिका वडा नं. ४ धामीगाउँ धाराखोलाका व्यापारी ६० वर्षीय इश्वर धामीले सोही वडाको लेककोट बस्ने रमेश भुललाइ नास्ता खान होटलमा गएका बेला ‘दलितले पानी किन छोएको ?’ भन्ने प्रश्न गर्दै उनलाई झापड हानेकाे हाे । दुबै पक्ष मदिरा सेवन गरेर प्रहरी कहाँ आइपुगेपछि घटनाकाे रहस्य खुल्न आएकाे हाे ।

युवकमाथि कुटपीट भएपछि धामी विरुद्ध जातीय छुवाछुत तथा विभेद गरेको आरोपमा पीडीत पक्ष न्यायका लागि प्रहरी कहाँ गएकाे स्राेतले जनाएकाे छ ।

पीडीत रमेश भुलले भने ‘आफुमाथिमात्र नभएर सिंगो दलितजाती माथिको अपमान भएको भन्दै कानुनी न्याय लड्छु।’
उनी थप्छन् ‘पानी पीउन पसलमा राखेको जर्किनबाट ओसार्दै थिए, उनले एक्कासी थप्पड हाने, किन हान्नु भएको भन्ने प्रश्नमा दलित भएर पानी किन छोइस, भन्दै आफूमाथि कुटपिट भयाे,

ईलाका प्रहरी कार्यालय वायलका अनुसार दुबै पक्षलाई जिल्ला सदरमुकाम सिलगढी पठाइएको छ । प्रहरी (असइ) मान सिं भण्डारीका अनुसार पानी छोएको निहुँमा कुटपीट गरेको भन्दै रमेश भूल आइतबार बेलुकी प्रहरीलाई जानकारी गाराएकाे हाे ।

त्यस्तै घटना गाउँमै मिलाउनु पर्छ भनेर दबाब आइरहेकाे पिडित पक्षले बताएका छन् । याे घटना घटेसँगै पिडित पक्षहरू आक्राेशीत भएका छन् ।