धनगढी, । सुदूरपश्चिम प्रदेशबाट राष्ट्रिय सभा सदस्यमा सत्ता गठबन्धनका उम्मेदवार विजयी भएका छन् । आज बिहीबार भएको निर्वाचनमा नेकपा (एमाले) का उम्मेदवारलाई पराजित गर्दै गठबन्धन दलका उम्मेदवार विजयी भएका हुन् ।
कांग्रेसका बलदेव बोहरा चार हजार ३२८ मतभार पाएर विजयी भएका छन् भने महिलातर्फ नेकपा (माओवादी केन्द्र) का रेणु चन्द विजयी भएका छन् । उनले चार हजार ४५३ मतभार प्राप्त गरेका छन् भने अपाङ्गतर्फ नेपाली कांग्रेसका नारायणदत्त भट्ट चार हजार ४१९ मतभार पाएर विजयी भए ।
प्रमुख प्रतिपक्षी दल एमालेका अन्यतर्फ ईश्वरी पोखरेल, महिलातर्फ सावित्री घिमिरे र अपाङ्गतर्फ रामचन्द्र जोशी पराजित हुनुभयो ।
सुदूरपश्चिम प्रदेशमा २२८ मत रहेकोमा २२५ मत खसेको थियो ।
