डोटी ,पौष २७
सुबास नेपाली ,३०२ औं पृथ्वी जयन्ती तथा राष्ट्रिय एकता दिवशको अवसर पारी डोटी स्थित नेपाली सेनाको भैरवप्रसाद गणको आयोजनामा अन्तर विद्यालय हाजिरी जवाफ प्रतियोगिता सम्पन्न भएको छ।
जिल्ला सदरमुकामका स्थित ६ वटा माध्यामिक बिधालयहरुको सहभागीता रहेको उक्त प्रतियोगितामा पद्यम पब्लिक मुक्तिनारायण मा बि ले ३६ अंक प्राप्त गरि प्रथम स्थान हासिल गरेको छ। त्यसै गरि मोर्निङ् लाइट बोर्डिङ् स्कुलले २५ अंक प्राप्त गरि द्वितीय स्थान हासिल गरेको छ भने पवित्र आवासीय माध्यमिक विद्यालय २१ अंक प्राप्त गरि तृतिय स्थान हासिल गरेको छ।

कार्यालयमा बोल्दै भैरव प्रसाद गणका गणपति तथा प्रमुख सेनानी परिक्षित देउजाले हाजिरी जवाफ प्रतियोगिता एक बौद्धिक खेल भएकोले यस्तो प्रतियोगिताले विद्यार्थीहरूको बौद्धिक क्षमता वृद्धि गर्न उल्लेखनीय भूमिका निर्वाह गर्ने बताउनुभयो । उक्त प्रतियोगिता बिद्यार्थीहरुको अन्तर निहित क्षमता जाच्ने माध्यम भएका कारण नेपाली सेनाले समय समयमा यस्ता क्रियाकलाप गर्ने गरेको पनि गणपति देउजाले बताउनुभयो ।
प्रतियोगितामा भागिरथि एकेडेमी ,दुर्गा माबी, जेनियस एकेडेमी , पद्यम पब्लिक मुक्तिनारायण माबि,मोर्निङ् लाइट बोर्डिङ् स्कुल र पवित्र आवासीय माध्यमिक विद्यालयको सहभागीता रहेको थियो।
प्रतियोगितामा प्रथम हुने बिधालयलाई गणपति देउजाले पुरस्कार ,प्रमाणपत्र र मायाको चिनो त्यसै गरि सहभागी बिधालयहरुलाई प्रमाणपत्र पत्र र मायाको चिनो प्रदान गर्नु भएको थियो।