मनमाेहन ठकुल्ला,सिलगढी / डाेटीमा चर्काे बैंक ब्याजदर लघुवित्त र सहकारीहरूले गरेकाे आतंक विरूद्वमा विरोध प्रदर्शन गरिएकाे छ ।

बिहीबार सुदुरपश्चिमकाे पुरानाे क्षेत्रीय सदरमुकाम दिपायल बजारमा आम भेला गरी नेपाल कम्युनिस्ट पार्टी उत्तर जिल्ला कमिटी डाेटीले विराेध प्रदर्शन गरेकाे हाे ।

पहिले लघुवित्त तथा सहकारीले आपत विपत पर्दा ऋण दिने आश्वासन दिएर बचत गराएकाे रूपैयाँ पछिल्लो समयमा फिर्ता नदिएकाे प्रदर्शनमा सहभागी महिलाहरूकाे दुखेसो छ । लघुवित्त तथा सहकारीले बचत रूपैयाँ खाएपछि घरपरिवारमा श्रीमान् श्रीमतीले आत्महत्या गर्नु परेकाे दिपायल सिलगढी नगरपालिका वडा नम्बर ३ की लक्ष्मी वादीले बताइन् । देशमा आर्थिक मन्दी छाएकाे बेला कानकाे मुन्द्रा समेत बेचेर ऋण तिर्नु परेकाे उनले बताइन् । वर्तमान समयमा आइपुग्दा लघुवित्त तथम सहकारीले ‘घर न घाट’ काे बनाइ घरपरिवारमा बच्चाहरूले तड्किनु परेकाे वादीले बताएकी छन् ।

उनले कार्यक्रममा बाेल्दै भनिन् ” सर्वसाधारणका बालबालिकाले शिक्षा, स्वास्थ्य लगायत आधारभूत आवश्यकताकाे पहुँच भन्दा टाढा हुनु परेकाे छ ।” उनले थपिन “५० हजार मात्रै ऋण निकालेकाे थिए, वर्तमान समयमा आइपुग्दा मिटर व्याज हालेर २/३ लाखसम्म पुर्याएर भिरमा हुत्याएर झैँ ऋणमा फालेकाे छ ।”

अर्की कार्यक्रममा सहभागी महिला नाम नखाेल्ने सर्तमा भन्छिन् ” न हामीसँग जग्गा जमिन हरेकाे छ, याे वित्तीय संस्थाले गर्न खाेजेकाे के हाे ।” नउले पनि थपिन् ” तिनै तहकाे सरकारले महिलाकाे पीडा बुझ्न आवश्यक रहेकाे छ, तर सबैभन्दा नजिककाे स्थानीय सरकार अन्धाे छ देख्दैन् ।” उनले भनिन् चुनावकाे बेला जितेर हामीबाट सम्मान लिएकाे हाे र दिएका हाैँ तर हाम्राे दु:ख र पीडा कसैले बुझेकाे झैन् ।”

देशभर मिटर व्याजीका विरूद्व प्रदर्शन जारी भएसँगै डाेटीका पनि अबबाट निरन्तर प्रदर्शन जारी रहने पार्टीले जानकारी दिएकाे छ । आजदेखिकाे निरन्तर संघर्षले लघुवित्त र मिटर व्याजी विरूद्वकाे संघर्षलाई निष्कर्षमा पुर्‍याउने जिल्ला सचिव माेहन सीले बताए । सीले भने ” मिटर व्याजीकाे पीडा हामी बुछ्छाैँ, र सम्बन्धित सराेकारवालाले सहयाेग गरे छिट्टै याे समस्या समाधान हुन्छ र गर्न पनि पर्छ ।”