मनमाेहन ठकुल्ला, सिलगढी
सम विकास केन्द्र नेपाल डाेटीकाे पालिका स्तरीय सिकाइ समीक्षा बैठक सम्पन्न भएकाे छ । बुधबार सिलगढीमा सराेकारवालासँग एक ओैपचारिक कार्यक्रम गरी एक्सन एड नेपालकाे आर्थिक सहयागमा सञ्चालित गरी’द महिला नेटवर्क परियाेजना’ अन्तर्गत परियाेजना अवधिभर गरेका सम्पूर्ण कामकाे प्रगति विवरण प्रस्तुत गरिएकाे हाे ।

परियाेजना जिल्लाकाे दिपायल सिलगढी नगरपालिका, शिखर नगरपालिका, के आई सिह गाउँपालिका गरी ३ वटा स्थानीय तहमा लागू गरिएकाे थियाे । परियाेजना अबधिभर विभिन्न क्षेत्रहरूमा सफलतापूर्वक कार्यक्रम सम्पन्न गरिएकाे परियोजना अधिकृत रमा भण्डारीले बताइन् । द महिला नेटवर्क परियाेजनाकाे समूहमा बसेर महिलाहरूले क्षमता विकास गरी आत्मनिर्भर बन्दै गएकाे उनले बताइन् ।

महिलाहरूले समुहमार्फत आफ्नाे क्षमता विकास गरी समाजमा आफूमाथि हुने अन्यायपूर्ण व्यवहार बिरूद्व आवाज उठाउन सफल भएकाे दिपायल सिलगढी नगरपालिका ७ कि पदमा बिष्टले बताइन् । टाेलमा जाँडरक्सी प्रतिबन्ध लगाउन सफल भइ नियमकाे उलङ्घन् गर्नेहरूबाट ४ लाख रूपैयाँ संकलन गरिएकाे बिष्टले बताइन् ।

पहिले असमान ज्यालादरमा काम गर्न विवश महिलाहरू वर्तमान समयमा ‘समान कामकाे समान ज्याला’ सहजरूपमा पाउने गरेकाे दिपायल सिलगढी नगरपालिका ४ राजपुरकी धनसरा आउजीले बताइन् । संस्था मार्फत सहयाेग लिएर व्यापार व्यवसायमा तल्लिन भएकाे उनले बताइन् । पहिले महिलाले समान ज्याला खाेज्दा ठकेदारले डराउने काम गरेकाे उनले बताइन् । पहिले पुरूषकाे भरमा बाँचिरहेका महिलाहरू आफूमा आत्मनिर्भर छन् ।

कार्यक्रमका प्रमुख अतिथि तथा दिपायल सिलगढी नगरपालिका नगर प्रमुख बाजि सिह खड्काका अनुसार संस्थाले विगतका दिनहरूमा झैँ आगामी दिनमा पनि उपलब्धि हाँसिल गर्ने उद्देश्य अगाडि बढाउनु पर्ने बताए । सबै क्षेत्रलाई रूपान्तरण गर्नु छ कर्तव्य ठानी अगाडि बढ्ने पर्ने बताएका छन् । प्रमख खड्काले भने ‘ जनताप्रति उतरदायि बनेर अगाडि बढ्ने बुद्धि सबैमा हुन्छ तर सत् बुद्वि सबैमा हुँदैन ।

सन २०१७ देखि महिलाकाे आवस्यकता, जीवन स्थर सुधार र आर्थिक सशक्तीकरणलाई जाेड दिने उद्देश्यले संस्था परियाेजना मार्फत् काम गर्दै आएकाे सम विकास केन्द्र नेपाल डाेटीका अध्यक्ष अधिराज विसीले बताए । स्थापनाकालदेखि संस्था समतामूलक समाज निर्माण गर्न जुटेकाे बताए । समाज सुधारकाे निमित्त छुवाछूत र महिलाहिंसा इत्यादि विरूद्व बुलन्द आवाज उठाएर समाज रूपान्तरण सफलका केही उदाहरण झल्काउन सफल भएकाे अध्यक्ष बिसीले बताएका छन् ।

कार्यममा बाेल्दै बिसीले भने ” हामी भन्ने भावनाले ‘ हामी’ भनेर आत्मसात गर्दै संस्था अगाडि बढ्ने छ, सबैकाे सहयाेगले संस्थालाई उत्प्रेरित बनाएकाे बताए ।

साथै परियाेजना सकिनै लाग्दा सहयाेगी संस्था एक्सनएड नेपाललाई प्रमाणपत्रसहित सम विकास केन्द्रले सम्मान गरिएको छ ।