मनमाेहन ठकुल्ला डोटी / डोटीमा राष्ट्रिय परिचय पत्र वितरण गर्न सुरु गरेको छ ।

जिल्ला प्रशासन कार्यालय डाेटीका अनुसार लामाे समयपछि माथिल्लो निकायबाट हाल १० हजार १ सय ६५ राष्ट्रिय परिचयपत्र विवरण पेस भई आएपछि नागरिकलाई राष्ट्रिय परिचयपत्र साेमबारबाट वितरण गर्न सुरु गरिएकाे हाे

‘फिङ्गर प्रिन्ट’ रुजु गर्न र पिन नम्बरसमेत रहेकाले वितरण राष्ट्रिय परिचयपत्र लिनका लागि स्वयं व्यक्ति नै उपस्थित हुनुपर्ने प्रमुख जिल्ला अधिकारी गाेपाल प्रसाद अर्यालले बताए । परिचयपत्र वितरण गर्दा भिडभाड हुने भएकाले प्रशासन कार्यालयले परिचयपत्र बाहक नामकाे मोबाइलमा सन्देश पठाएर पश्चात् मात्र प्रशासन कार्यालयमा परिचयपत्र लिन आउन आग्रह गरिएकाे प्रमुख अर्यालले बताएका छन् ।

डोटीमा राष्ट्रिय परिचयपत्रका लागि विसं २०७७ भाद्र २८ गते देखि विवरण सङ्कलनको काम सुरु गरिएको थियो हालसम्म डोटीमा ९६ हजार १ सय २१ जनाको विवरण सङ्कलन गरिएको समेत प्रजिअ अर्यालले बताए ।

अब समाजिक सुरक्षा भत्ता र राहदानी बनाउन अनिवार्य राष्ट्रिय परिचयपत्र लिएकाे हुने पर्ने भएकाे छ । राष्ट्रिय परिचयपत्र व्यवस्थापन सूचना प्रणालीमा समावेश भएका नागरिकका जैविक र वैयक्तिक विवरणको आधारमा उत्पादन भएको बायोमेट्रिक सूचना र पृथक नम्बर सहितको प्रत्येक व्यक्तिलाई वितरण गरिने राष्ट्रिय पहिचान सहितको बायोमेट्रिक सुविधायुक्त बहुउपयोगी प्रमाणपत्र हाे ।

परिचयपत्रकाे फाराम सुची अनुसार वैयक्तिक र जैविकका आधारमा परिचय सूची तयार पारिएकाे हुन्छ । त्यसैका आधारमा वैयक्तिक विवरण अन्तर्गत नाम, ठेगाना, जन्ममिति, बुबा–आमाको नाम, हजुरबुबा–आमाको नाम, श्रीमान्– श्रीमतिको नाम, स्थायी–अस्थायी ठेगाना पर्दछन् भने जैविक विवरण अन्तर्गत औँठाछाप, दुई वटा आँखाको नानीको फोटो, अनुहारको डिजिटल फोटो, हस्ताक्षर समावेश गरिएको हुन्छ ।