बैतडी /बैतडी जिल्लाको सुर्नया गाउँपालिका–३ बिजुलमा धारिलो हतियार प्रयोग गरेर एक महिलाको बीभत्स हत्या गरिएको छ।

बिजुलका करिब ३२ बर्षीय तेजबहादुर चन्दले मंगलबार दिउँसो सोही स्थानकी करिब ५६ बर्षीया हरिना बिष्टको धारिलो हतियार प्रयोग गरि हत्या गरिएकाे जिल्ला प्रहरी कार्यालय बैतडीले जनाएको छ । चन्दले घरमै पुगेर बिष्टको सब्बल, हसिया लगायत हतियारको प्रयोग गरेर हत्या गरेका हुन् । बिष्टको शव क्षतविक्षत अवस्थामा घरको ढोकामा रहेको छ।

ईलाका प्रहरी कार्यालय पाटनबाट खटिएको प्रहरी टोलीले चन्दलाई नियन्त्रणमा लिइएको छ । चन्दले दिउँसै महिलाको हत्या गरेर बितण्डा मच्चाएपछि स्थानीय त्रसित बनेका थिए।

स्थानीयले घटनाको विषयमा खबर गरेपछि प्रहरी घटनास्थलमा पुगेको हो। मानसिक सन्तुलन ठीक नभएका चन्दले बिष्टको हत्या गर्नुका साथै उनको गोठमा रहेका दुई बाख्रा समेत मारिदिएका छन्। घटनाका बिषयमा थप अनुसन्धान भइरहेको बैतडी प्रहरीले जनाएको छ ।