डाेटी,
डोटीमा एक मःमः पसलमा आगलागी हुँदा करिब ६ लाख रुपैयाँ बराबरको क्षति भएको छ ।
जिल्ला प्रहरी कार्यालय डोटीका अनुसार बडिकेदार गाउँपालिका–३ घर भई हाल दिपायल सिलगढी नगरपालिका–६ सिलगढी बस्ने लक्ष्मण विष्टले सञ्चालन गर्दै आएको देउराली मःमः पसलमा आइतबार बिहान करिब २:५० बजे विद्युत् सर्ट भई आगलागी भएको हो।
दमकल, प्रहरी र स्थानीयवासीको संयुक्त प्रयासमा करिब ३:३० बजे आगो पूर्ण रूपमा नियन्त्रणमा लिइएको प्रहरीले जनाएको छ।
आगलागीबाट पसलभित्र रहेका डिप फ्रिज, फ्रिज, दराज, काठका फर्निचर, खाद्यान्न, लत्ताकपडा, भाँडावर्तनलगायत सामग्री तथा करिब ५–७ हजार रुपैयाँ नगद जलेर नष्ट भएका छन्। घटनाको जानकारी पाएलगत्तै प्रहरी नायब निरीक्षक नारायणदत्त पन्तको कमाण्डमा १५ जनाको टोली घटनास्थलमा खटिएको थियो।
घटनामा मानवीय क्षति भने नभएको प्रहरीले जनाएको छ।
प्रतिक्रिया
सम्बन्धित खवर
