कैलाली / कैलाली जिल्लाको गौरीगंगा नगरपालिका–३ कुचैनी स्थित पुर्व–पश्चिम राजमार्गमा मोटरसाइकल दुर्घटना हुँदा एक जनाको मृत्यु भएको छ भने एक जना घाइते भएका छन् ।
साेमबार पश्चिमबाट पुर्वतर्फ जाँदै गरेको से ३ प १४१७ नम्बरको मोटरसाईकल आफै अनियन्त्रित भएर दुर्घटनामा परी धनगढी उपमहानगरपालिका–१३ का ४५ वर्षीय कुते सार्कीको मृत्यु भएको जिल्ला प्रहरी कार्यालय कैलालीले जनाएको छ ।
दुर्घटना परी गम्भीर घाइते भएका सार्कीलाई सेती प्रादेशीक अस्पतालमा डाक्टरले चेक जाँच गर्ने क्रममा मृत घोषणा गरेका हाे । मोटरसाइकलमा पछाडी सवार रहेका एक जना घाइते भएका छन्। घाइते हुनेमा साेही ठाउँकै ३९ वर्षीय तेजबहादुर सार्की रहेका छन् । उनकाे सेती अस्पतालमै उपचार भइरहेको जिल्ला प्रहरी कार्यालय कैलालीले जनाएको छ।
प्रतिक्रिया
सम्बन्धित खवर
