सिलगढी / जिल्ला अस्पताल डोटीले न्युनतम सेवा मापदण्डको आधारले ८५ प्रतिशत अंक प्राप्त गरेको छ ।
स्वास्थ्य निर्देशनालय राजपुरको आयोजना तथा जिल्ला अस्पताल डोटीको सहकार्यमा भएको एक कार्यक्रममा उक्त तथ्याङ्क प्रस्तुत गरिएको छ ।
स्वास्थ्य निर्देशनालय दिपायल राजपुरले सेवाकाे मापदण्डलाई आधार मानेर गरिएको अनुगमन तथा सर्वेक्षणमा जिल्ला अस्पताल डोटीले ८५ अंक प्राप्त गरेको हाे ।
न्युनतम सेवा मापदण्डको आधारले जिल्ला अस्पताल डोटीले
गत असारमा ८४ प्रतिशत अंक प्राप्त गरेको थियाे भने यस वर्ष एक अंकले फट्काे मारेकाे देखिन्छ। यसरी प्रत्येक ६ महिनामा अस्पतालको मूल्याङ्कनमा सुधार देखिदै गएकाे छ ।
माथिल्लाे निकायबाट न्युनतम सेवा मापदण्डमा थप कडाई गरिएको अबस्थामा पनि अस्पतालले एक प्रतिशतमा बृद्धी गर्न सफल भएकाे छ ।
जिल्ला अस्पताल डोटी ८५ प्रतिशत अंक प्राप्त गरी सुधारको बाटोमा रहेको स्वास्थ्य निर्देशनालयका निर्देशक जगदिस जोशीले बताए । जाेशीका अनुसार ‘ अब हाम्रो लक्ष्य शत प्रतिशत पुर्याउने हुन पर्यो निर्देशनालयबाट गर्नु पर्ने मेरो सहयोग रहन्छ ।’
जिल्ला अस्पताल डाेटीका व्यवस्थापन समिति अध्यक्ष धन बहादुर नेपालीका अनुसार अस्पतालको सम्पुर्ण डाक्टर कर्मचारी व्यवस्थापन समितिको सक्रीयताका कारण स्तर उन्नतकीका लागी अहोरात्र खट्ने अस्पतालका सम्पूर्ण कर्मचारी तथा सहयोग गर्ने निकायलाई धन्यवाद ज्ञापन गरेका छन् । कार्यक्रममा बाेल्दै अध्यक्ष नेपाली भन्छन् ‘ हामीले केही सुधार आवश्यक गरेका छौँ अझै धेरै सुधार गर्न बाँकी रहेको छ अब हामी ८५ प्रतिशत होइन १५ अंक कसरी ध्यान दिनु पर्नेछ ।’
प्रतिक्रिया
सम्बन्धित खवर
