मनमाेहन ठकुल्ला,सिलगढी / डाेटीकाे दिपायल सिलगढी नगरपालिका वडा न ८ काे एक विद्यालयमा शैक्षिक प्रदर्शनी तथा पढाइ मेला कार्यक्रम गरिएकाे छ ।
शुक्रबार साेही ठाउँकाे लडागडामा अबस्थित सुनादेवी माध्यामिक विद्यालयमा गुड नेवर्स इन्टरनेसनल नेपालकाे आर्थिक तथा प्राविधिक सहयाेग तथा सामुदायिक विकास केन्द्र (सिडिसी ) सहजीकरण कार्यक्रम गरिएकाे हाे ।

विद्यालयका आयाेजनामा गरिएकाे उक्त कार्यक्रममा विभिन्न स्थानीय तथा शैक्षिक सामाग्रीकाे प्रदर्शनी गर्नुका साथै हाजिर जवाफ, कथा बाचन, लगायत विभिन्न शैक्षिक कार्यक्रम गरिएकाे छ ।

बालबालिकाहरुलाई पठन सिप तथा पठन बानीको विकास गर्न, स्वअध्ययन क्रियाकलाप तथा सामान्य प्रतियोगितामा सहभागी हुन अभिप्रेरित गर्न, स्थानीय स्रोत र सामग्रीहरु प्रयोग गर्दै शैक्षिक सामग्रीहरु तयार गर्न, आन्तरीक प्रतिभा पहिचान र प्रस्फोटनको लागि पारिवारिक वातावारण निर्माण र राम्रा अभ्यासहरुको अनुसरण गर्न गराउन तथा समग्र सकाइकाे विकास गर्ने उदेश्यले कार्यक्रम गरिएकाे सामुदायिक विकास केन्द्र सिडिसी डाेटीका कार्यक्रम परियाेजना संयाेजक एकराज बडुले बताएकाे छ ।

पढाइ मेला कार्यक्रमले गर्दा बालबालिकाको सामाजिक, सम्वेगात्मक, बौद्धिक तथा अन्य विभिन्न पक्षको विकास गर्न मद्यत पुग्ने बडुले बताएका छन् । बालबालिकाको रुचि, क्षमता र सिकाइ स्तरका क्रियाकलाप, र शिक्षक र अभिभावकको संयुक्त सहभागिता नै मुख्य जोड हो भनेका छन् ।

पठन मेला कार्यक्रमले शैक्षिक क्षेत्रमा मार्गनिर्देशन त दिएकै छ त्यसैमाथि शिक्षक, विद्यार्थी र अभिभावक विचकाे सम्बन्ध स्थापित गर्ने विद्यालय प्रधानाध्यापक कृष्ण बहादुर कडायतले बताए ।