दार्चुला / दार्चुला जिल्लाको नौगाड गाउँपालिका–१ मा जेठाजुले एक भाइबुहारीलाई कुटपिट गरेर घाइते बनाएका छन् ।
घाइते हुनेमा नौगाड गाउँपालिकाकी कार्यपालिका सदस्य तथा साेही ठाउँ कसाडकी ३० वर्षीया बसन्ती ठगुन्ना रहेकी छन् । उनीमाथि मङ्सिर १५ गते राति जेठाजु नाता पर्ने जयराम ठगुन्नाले कुटपिट गरेको जिल्ला प्रहरी कार्यालय दार्चुलाले जनाएको छ ।
रातिको समयमा घरभित्र प्रवेश गरी जेठाजुले निर्धात कुटपिट गरी बसन्तीकाे टाउँको र अनुहारमा गहिरो चोट लागि घाइते अबस्थामा छन् । ठगुन्नाको मङ्सिर १६ गते जिल्ला अस्पताल दार्चुलामा उपचार हुन नसकेपछि धनगढी रिफर गरिएको जिल्ला अस्पताल, दार्चुलाले जनाएको छ । बसन्तीको अहिले धनगढीको मायामेट्रो अस्पतालमा उपचार भइरहेको छ।
पीडित पक्षले जयरामविरुद्ध मङ्सिर १६ गते जिल्ला प्रहरी कार्यालयमा उजुरी दिएको र जयराम फरार रहेकाले खोजीकार्य भइरहेको प्रहरीकाे भनाइ छ ।
