डोटी / मध्ये पहाडी लोक मार्ग संकल्पको यात्रा नामको अभियानका क्रममा नेकपा एमालेका अध्यक्ष तथा पुर्वप्रधानमन्त्री डोटीमा आउने भएपछि नेकपा एमाले डोटी तयारीमा जुटेको छ ।
उक्त पार्टीका केन्द्रीय अध्यक्ष केपीशर्मा ओलीले आज बैतडीको झुलाघाटमा एक कार्यक्रमका विच नेपालको राष्ट्रिय झण्डा उत्तोलन गर्दै संकल्पयात्राको उद्घाटन गरेका हुन् । नेपालमा कम्युनिष्टहरुको स्थापना भएको ७५ बर्ष पुगेको वर्षगाठको अबशर पारी सुरु भएको अभियानले मध्येपहाडी लोकमार्गको यात्रा गर्ने नेकपा एमाले जनाएको छ । सोहि क्रममा ओलीले भोली शुक्रबार डोटीको कार्यक्रममा सम्वोधन गर्ने कार्यक्रम रहेको छ ।
डोटीको सिलगढीमा रहेको स्थानिय टुडिखेलमा आयोजनाहुने सभालाई पार्टी अध्यक्ष ओली सम्वोधन गर्ने भएपछि यतिबेला डोटी एमाले तयारीमा जुटेको हो । तयारीका क्रममा कार्यक्रम सहभागी हुने तथा संकल्पयात्रामा रहने नेता कार्यकर्ताहरुका लागी खाना र बासको व्यवस्था मिलाउनुको साथै स्थानिय टुडिखेललाई सिगार्ने कार्य भई रहेको डोटी एमालेले जनाएको छ । त्यस्तै डोटीको मुख्य सड्क राजमार्गमा पार्टीको झण्डाव्यानर टास्ने कार्यलाई डोटी एमालेले तिव्रता दिएको छ ।
भोली हुने कार्यक्रम अध्यक्ष ओली सहित उक्त पार्टीका केन्द्रीस्तरका नेताहरुले सम्वोधन गर्ने कार्यक्रम रहेको छ ।
बैतडीको झुलाघाटबाट सुरु भएको संकल्पयात्रालाई सम्वोधन गर्दै पार्टी अध्यक्ष केपी शर्मा ओलीले यो अभियानले अराजक राजनीतिलाई सही बाटोमा ल्याउन मद्दत गर्ने बताएका छन् ।
जनताले मात्रै देशलाई अघि बढाउने भएकोले आफूहरू जनतामा फरक ढंगले गइरहेको बताउँदै उनले समृद्ध नेपाल सुखी नेपालीका लागि यो यात्राले योगदान गर्ने उनले बताए ।
झुलाघाटबाट सुरु भएको अभियान पुस २ गते पाँचथर जिल्लाको चिवाभञ्ज्याङमा पुगेर सम्पन्न हुने उक्तपाटीले जनाएको छ । अभियान सम्पन्न भएपछि पुस ५ गते काठमाडौंमा विशेष कार्यक्रम आयोजना गरेर अनुभव र निष्कर्ष सार्वजनिक गरिने बताईएको छ ।
