कैलाली / कैलाली जिल्लाकाे धनगढीमा आफ्नै छोरीमाथि जबर्जस्ती करणीको प्रयास गरेकाे आराेपमा एक पूर्व प्रहरीका सईलाई प्रहरीले पक्राउ गरिएकाे छ ।

गत असाेज महिनामा अन्दाजी २२ वर्षीय छोरीले जिल्ला प्रहरी कार्यालय कैलालीमा धनगढीकै पन्त थरका अन्दाजी ५० वर्षीय पूर्वसई विरूद्व करणी प्रयास गरेको भन्दै उजुरी परेकाे थियाे ।
घटना असोज १३ गते रातिको भए पनि आफ्ना बुवाविरुद्ध छोरीले असोज १९ गते मात्र उजुरी दिएकी थिइन्।

जिल्ला प्रहरी कार्यालय कैलालीका अनुसार प्रहरीमा उजुरी परेसँगै त्यसपछि फरार रहेका पन्तलाई केही दिनअघि पक्राउ गरिएको जनाएको छ। उनीमाथि अदालतबाट म्याद थप गरेर अनुसन्धान भइरहेको प्रहरीले जनाएकाे छ।

मुद्धा फेरबदल गरेर जबरजस्ती करणी उद्योगकाे सट्टा यौन दुव्र्यवहार मुद्दा चलाउने प्रयास भैरहेकाे छ । स्राेतका अनुसार घटनालाई हलुका बनाउन सरकारी वकिल र प्रहरीसँग मुद्दा मिलाउन लागिएको खुल्न आएकाे छ ।

काठमाडौंमा जागिर गरेर पढ्दै आएकी ती युवती घर आएका पन्तले करणी प्रयास गरेका खुल्न आएकाे छ ।