मनमाेहन ठकुल्ला
सिलगढी,पछिल्लो आर्थिक वर्षयता करदाता सेवा कार्यालय डाेडीले लक्ष्य भन्दा बढी राजस्व संकलन गर्दै आएकाे छ ।

करदाता सेवा कार्यालय डाेटीले दिएकाे सुचना अनुसार पछिल्लो २ वर्षयताकाे तुलनामा वार्षिक लक्ष्यभन्दा बढी कर संगकलन गर्न सफल भएकाे देखिएकाे हाे ।

आर्थिक वर्ष २०७८/०७९ मा आयकर, बहाल कर, ब्याजकर, भूमि अन्त:शुल्क कर, अन्त:शुल्क र शिक्षा गरी १३ कराेड ७० लाखकाे लक्ष्य बाेकेकाे थियाे जसमा २३ कराेड ९० लाख ९८ हजार राजस्व संकलन गर्न सफल भएकाे छ । मासिक लक्ष्यलाई छिचोल्दै वार्षिक १७४.५२ प्रतिशतका दरले बढीकर संकलन गर्न सफल भएकाे प्राप्त सुचनामा उल्लेख गरिएकाे छ ।
त्यसैगरी गत आर्थिक वर्ष २०७९/०८० मा २८ कराेड २३ लाख २६ हजारकाे लक्ष्य रहेकाे थियाे भने जसमध्ये सम्पूर्ण करकाे विवरणबाट ३० कराेड ४१ लाख ५४ हजार कर संकलन गरिएकाे छ । संकलित प्राप्त करलाई प्रतिशतमा भन्दा १०७.७३ हुन आउँछ ।

त्यस्तै चालू आर्थिक वर्ष २०८०/०८१ मा कार्यालयकाे ३७ कराेड ३६ लाख ८५ हजार रहेकाे छ । अहिलेसम्म सम्पूर्ण करबाट ६ कराेड १८ लाख १६ हजार कर संकलन गरिएकाे छ ।

यसरी दुई वर्षकाे संकलित करलाई र चालू आर्थिक वर्षको करकाे लक्ष्यलाई हेर्दा करदाता सेवा कार्यालय डाेटीले बढीकाे लक्ष्य बाेकेकाे देखिन्छ । पछिल्ला दुई वर्षकाे तुलनामा लक्ष्य भन्दा बढि राजस्व संकलन भएकाले चालू आर्थिक वर्षमा पनि बढि राजस्व उठ्ने अनुमान गरेकाे कार्यालयले जानकारी दिएकाे छ ।

करदाता सेवा कार्यालय डाेटीका निमित्त प्रमुख वीर बहादुर ठगुन्नाका अनुसार पछिल्ला वर्षहरूमा करदाताकाे संख्या पनि वृद्धि हुँदै गएकाे जानकारी दिएकाे छ । वि.स २०७७ सालसम्म करदाताकाे संख्या ४ हजार ९ सय ५० मात्रै थियाे । आर्थिक वर्ष २०७७/०७८ मा ६ हजार ६३ पुगेकाे छ भने आर्थिक वर्ष २०७८/७९ मा ८ हजार ६ सय ५४ पुगिसकेको छ । त्यसैगरी गत आर्थिक वर्ष २०७९/८० मा करदाताकाे संख्या ११ हजार ५ सय ८२ पुगिसकेको छ ।

चालू आर्थिक वर्ष २०८०/०८१ मा १२ हजार ३ सय ४६ रहेकाे छ । यसरी पछिल्ला ३ वर्षकाे तुलनामा करदाता सेवा कार्यालय डाेटीमा करदाताकाे संख्या ह्वात्तै बढेकाे पाइन्छ ।

प्रमुख ठगुन्नाले भन्नू भयाे ” बजार अनुगमनलाई निरन्तरता दिएर सुर्तीजन्य तथा अवैध मदिरा बिक्रीवितरणलाई राेक लगाउने जानकारी दिएकाे छ । स्थानीय ठाउँहरूमा दर्ता नभएका व्यवसायहरूलाई दर्ताकाे दायरामा ल्याउने गरि अगाडि बढ्ने जानकारी दिएकाे छ ।