बझाङ / बझाङमा स्थानीयलाई पेस्तोल पट्काउन दिने एक प्रहरीका असईलाई पदबाट निलम्बित गरिएको छ ।
जिल्लाकाे छविसपाथिभेरा गाउँपालिक – ३ पाटागाउँमा स्थानीयलाई आफ्नो साथमा भएको पेस्तोल नियम बिपरित पट्काउन दिने प्रहरीका असई पुस्कल चन्दलाई हिजाे (शुक्रबार ) पदबाट निलम्बन गरिएको हो ।

असई चन्दले गत कात्तिक ६ गते छविसपाथिभेराका पुर्व गाउँपालिका अध्यक्ष अक्कल धामिलाई रमाइलोको लागि आफ्नो पेस्तोल पट्काउन दिएका थिए । घटना अगाडिको भएपनि सार्वजनिक हुन ढिलाइ भएर खुलस्त रुपमा नियम विपरीत हातहतियारको दुरुपयोग गरेको भन्दै घटना मंसिर ७ मात्रै सार्वजनिक भएकाे हाे ।

घटना घटेको एक महिना भएपनि सुचना प्राप्त भएपछि बझाङ प्रहरीले अनुसन्धान कार्यलाई अगाडि बडाइएकाे थियाे ।

जिल्ला प्रहरी कार्यालय बझाङका अनुसार पेस्तोल पट्काउने बझाङ जिल्लाका सांसद तथा पूर्व वनमन्त्री भानुभक्त जाेशीका स्वकीय तथा पूर्व गाउँपालिका अध्यक्षलाई कारबाही गर्ने अधिकार जिल्लामा नभएकाले प्रदेशमा पत्र पठाइएको छ । केही दिनमै प्रदेश प्रहरी कार्यलयबाट एसपीको कमान्डमा अनुसन्धान तथा छानबिन समिति गठन गरिने भएको छ । उक्त समितिको निष्कर्ष पछि धामीलाई कानुन अनुसार कारबाही प्रक्रिया अघि बढ्ने प्रहरी स्राेतले जनाएको छ ।