मनमाेहन ठकुल्ला
सिलगढी, डाेटीमा केही वर्षयता चाेरीका घटनाहरूमा वृद्धि हुँदै गएकाे छ। पछिल्ला चार वर्षहरूको तुलनमामा डाेटीमा चोरीका घटनाहरू दाेब्बरले वृद्धि हुन थालेका छन् ।

जिल्ला प्रहरी कार्यालय डाेटीका अनुसार आर्थिक वर्ष २०७६/०७७ मा चाेरी १ मुद्दा दर्ता हुँदा ८ जना पुरूषलाई पक्राउ गरिएकाे छ । त्यस्तै आर्थिक वर्ष २०७७/०७८ मा पनि १ मुद्दा दर्ता भएकाे छ भने २ पुरूषलाई पक्राउ गरिएकाे छ ।

आर्थिक वर्ष २०७८/०७९ मा चार वटा मुद्दा दर्ता भएका छन् भने ३ जना पुरूषलाई पक्राउ गरिएकाे छ । त्यस्तै गत आर्थिक वर्ष २०७९/०८० मा जिल्लामा चाेरीका ५ वटा मुद्दा दर्ता भएका छन् भने सात जना पुरूषलाई पक्राउ गरिएकाे छ ।

यसरी पछिल्लो चार वर्षका घटनाहरूलाई तुलनात्मक रूपमा नियाल्दा जिल्लामा चाेरीका घटना उकालो लागेकाे जिल्ला प्रहरी कार्यालय डाेटीले दिएकाे सुचनामा उल्लेख छ । चार वर्षमा जम्मा ११ मुद्दा दर्ता भएका छन् भने चाेरीका मुद्दामा २० जना पुरूषलाई पक्राउ गरिएकाे छ ।

त्यस्तै चालू आर्थिक वर्ष २०८०/८१ मा चाेरीका २ मुद्दा दर्ता भएका छन् भने दुईजना पुरूषलाई पक्राउ गरिएकाे प्राप्त सुचनामा उल्लेख गरिएकाे छ । सम्पूर्ण घटनाको विवरण अनुसार जिल्लामा चाेरीका घटनामा महिलाकाे संख्या शुन्य देखिन्छ भने पुरूषकाे सँख्या व्यापक रहेकाे सुचनामा देखिन्छ ।

जिल्ला प्रहरी कार्यालय डाेटीका प्रहरी निरीक्षक सिताराम बिष्टका अनुसार प्रायः मान्छेहरू भाैतिक सम्पतिका कारण काम गर्न छाेडि अपराधीक क्रियाकलापमा संलग्न हुने गरेकाे पाएकाे बताएकाे छ । उहाँले भन्नू भयाे ‘जिल्लामा चाेरी कुन समयमा र कहाँ हुन्छ त्याे छुट्याउन सकिदैन तर जहाँ चाेरीका घटनाहरू बढ्दै गए त्याे क्षेत्रमा सुरक्षा व्यवस्थापनमा कडाइ गर्ने निरीक्षक बिष्टले जानकारी दिएकाे छ ।