सिलगढी / हाल देशमा पश्चिमी वायुकाे आंसिक प्रभाव कायमै रहेकाे छ ।

आज (आइतबार ) कोशी प्रदेश, बागमती प्रदेश र गण्डकी प्रदेशको पहाडी भू-भागमा  आंशिक देखी सामान्य बदली भई बाँकी भू-भागको मौसम आंशिक बदली देखी सामान्यतया सफा रहने माैसम पूर्वानुमान महाशाखाले जनाएको छ ।  दिउँसो कोशी, बागमती र गण्डकी प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको  जानकारी दिएकाे छ ।

आगामी २४ घण्टामा कोशी, बागमती र गण्डकी प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको  जल तथा माैसम पूर्वानुमान महाशाखाले जानकारी दिएकाे छ । साथै देशभरिको तापक्रम क्रमिक रूपमा घटिरहेको हुनाले त्यसबाट हुन सक्ने असरबाट बच्न आवश्यक सतर्कता अपनाउनु हुन अनुरोध गरिएकाे छ ।

हाल देशको पहाडी भू-भागमा आंशिक बदली रही बाँकी भू-भागको मौसम सामान्यतया सफा रहेको भएकाे छ।

त्यस्तै आज राती लुम्बिनी प्रदेश लगायत  देशको पहाडी भू-भागमा आंशिक बदली रही बाँकी भू-भागको मौसम सामान्यतया सफा रहने महाशाखाले जानकारी दिएकाे छ ।  कोशी, बागमती र गण्डकी प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेकाे माैसम पूर्वानुमान बुलेटिनमा उल्लेख छ ।