मनमाेहन ठकुल्ला
सिलगढी / डाेटीकाे केआईसिह गाउपालिकाका युवा समुहले देउसी भैली खेलेकाे रकमले स्थानियन एक विपन्न परिवारकाे घर निर्माण गरिदिएका छन् ।
उक्त गाउँपालिका वडा न ५ रानागाउँ सरस्वती टाेलकी ५० वर्षीया खिमा टमट्टाकाे घर गत वर्ष असोज महिनामा परेको अबिरल बर्षाका कारण भत्किएपछि विचल्लीमा परेकी खिमालाई सहजपार्न देउसी भैलीबाट संकलित रकम संगै युवाहरुले श्रमदान गरि आफुहरुले उनकाे घर निर्माण गरिदिएकाे यज्ञ पार्कीले बताएकाे छ ।
पार्कीले भने- हामीले घर निर्माण गर्न ५ दिन श्रमदान पनि गर्याै देउसी पनि खेल्याै घरकाे छाना छाउन अपुग भएकाे रकम वडा कार्यालयले सहयाेग पनि गरेपछि घर निर्माण भएकाे छ ।
उनका अनुसार उक्त वडाले छानाछाउन ९ हजार रूपैयाँ बराबरकाे जस्तापता सहयाेग गरेकाे हाे । घर भत्किएपछि एक वर्षदेखि छिमेकीकाे गाेठमा बस्दै आएकी खिमा भन्छिन् ” कुनै नेता कार्यकर्ता र जनप्रतिनिधिले फर्कि हेरेनन्, गाउँका युवाहरूले यस वर्ष मेरै लागि देउसी भैलाे खेलेर घर निर्माण गरे । आफ्नाे घरमा बस्न पाउने भएकाे छु, खुशी लागेकाे छ ।”
वडा अध्यक्ष दुर्गा रावलका अनुसार हाललाई बस्नलाई बनाएपनि घर निर्माणकाे लागि ईलाका प्रहरी कार्यालय वायलबाट प्रहरी मुचुल्का उठाएर सम्बन्धित निकायमा पेश गरिसकेको जानकारी दिएकाे छ ।
प्रतिक्रिया
सम्बन्धित खवर
