कैलाली / जिल्ला अदालत कैलालीकाे चाेरी काण्डले फेरि अर्काे माेड लिएपछि प्रहरीलाई चाेर पत्ता लगाउन सकस भएकाे छ ।
आइतवार राति पेस्तोल र गोली चोरी भएको विषय बल्ल सार्वजनिक भएको कैलाली प्रहरीले जनाएकाे छ ।
याे भन्दा पहिले मोबाइल चोरी भएको घटना मात्रै बाहिरीए पनि उक्त दिन अदालतबाट पेस्तोल र गोलीसहित चोरी भएको प्रहरीले घटना आज सार्वजनिक गरेकाे छ ।
घटना भने याे आइतबार रातिकाे १० बजेतिरकाे हाे । उक्त दिन अगाडि गेटमा सुरक्षाकर्मी डिउटिमा भएपनि चाेर अदालतको पछाडिबाट घुसेर चाेरी गरेकाे घटाना बाहिएकाे थियाे ।
उक्त दिन अभिलेख शाखाको ग्रिल फोडेर भित्र पसेका चोरले मुद्दाका मिसिलका साथमा रहेका पाँच थान मोबाइल, एक थान कटुवा पेस्तोल र चारवटा गोली समेत चोरी गरेको जिल्ला प्रहरी कार्यालय कैलालीले जनाएकाे छ ।
प्रहरीका अनुसार चाेरले पहिलेदेखि नै कुन मिसिल कहाँ छ, मुद्दा फाँट कहाँ छ? भन्ने जानकारी राखेर भित्र घुसेकाे हुनसक्ने अनुमान गरिएको छ । घटनाबारे प्रहरीलाई बिहान मात्र थाहा हुँदा चाेर पत्ता लगाउन सकस बनेकाे छ ।
चाेरीमा संलग्नकाे खाेजिकार्य भैरहेकाे प्रहरीले जनाएकाे छ ।
प्रतिक्रिया
सम्बन्धित खवर
