डोटी / कृषि क्षेत्रको आधुनिकीकरणसँगै किसानहरू आधुनिक प्रविधिमा आधारित खेती प्रणालीतर्फ आकर्षित हुन थालेका छन् ।
सुदूरपश्चिमका विभिन्न जिल्लामा परम्परागत खेती प्रणालीलाई सुधार गर्दै जैविक मल, आधुनिक सिँचाइ प्रणाली तथा कम विषादी प्रयोग गरेर उत्पादन बढाउन विभिन्न सचेतानमुलक कार्यक्रमहरु समेत संचालन हुन थालेका छन् ।
कृषि विज्ञहरूका अनुसार अत्यधिक रासायनिक विषादीको प्रयोगले माटोको उर्वराशक्ति घट्नुका साथै मानव स्वास्थ्य र वातावरणमा समेत नकारात्मक असर पु¥याउने गरेको छ । यसकारण पछिल्लो समय किसानहरू प्राङ्गारिक मल, जैविक विषादी तथा एकीकृत कीरा व्यवस्थापन प्रणाली अपनाउन थालेका छन् ।
कैलाली, कञ्चनपुर, डडेल्धुरा र डोटी लगायतका जिल्लामा तरकारी, फलफूल तथा खाद्यान्न बालीमा आधुनिक प्रविधिको प्रयोग बढ्दै गएको छ । ड्रिप सिँचाइ, प्लास्टिक टनेल, उन्नत बीउ, कृषि यान्त्रिकीकरण तथा मौसमअनुकूल खेती प्रणालीले उत्पादन र आम्दानी दुवै बढाउन सहयोग पुगेको किसानहरू बताउन्छन् ।
विषादीको प्रयोग कम गर्दा मानव स्वास्थ्यमा पर्ने नकारात्मक असर कम हुने, माटोको उर्वराशक्ति जोगाउने, वातावरणीय प्रदूषण नियन्त्रण हुने, उत्पादनलाई सुरक्षित र गुणस्तरीय बन्ने, जैविक तथा विषादीरहित कृषि उत्पादनको बजार विस्तार गर्न सहज हुने जानकारहरु बताउन्छन् ।
