सर्लाही — नेपाली काँग्रेसका सभापति गगन थापा उमेदवार रहेकाे सर्लाही क्षेत्र न.४ मा भाँडभैलाे माच्चिएकाे छ । सर्लाही निर्वाचन क्षेत्र नम्बर ४ अन्तर्गत पर्ने बसबरिया गाउँपालिका–३ भवानीपुरस्थित जनता माध्यमिक विद्यालय मा रहेको एक मतदान केन्द्रमा बुधबार बिहान मतदान सुरु भएको केही समयमै विवाद उत्पन्न भएपछि स्थिति केहीबेर तनावग्रस्त बनेको छ।
मतदानका लागि केन्द्रमा भेला भएका मतदाताबीच सामान्य भनाभनबाट सुरु भएको विवाद चर्किंदै गएपछि वातावरण असहज बनेको थियो। सुरक्षा निकायले तत्काल हस्तक्षेप गर्दै स्थिति नियन्त्रणमा लिएको जनाएको छ।
स्थानीय प्रशासनका अनुसार अहिले अवस्था सामान्य बन्दै गएको छ र रोकिएको मतदान पुनः सञ्चालनमा आएको छ। केन्द्रमा सुरक्षाकर्मीको उपस्थितिलाई थप मजबुत बनाइएको छ भने शान्तिपूर्ण वातावरणमा मतदान सम्पन्न गराउने तयारी भइरहेको छ।
घटनाबारे थप विवरण आउन बाँकी रहेको जनाइएको छ।
