कञ्चनपुर /कञ्चनपुरमा खैरो हेरोइनसहित चार जना पक्राउ परेका छन्।
पुनर्वास नगरपालिका–११ डोकेबजार चेकप्वाइन्टमा भारतबाट नेपालतर्फ आउँदै गरेका तीन जना युवालाई प्रहरीले लागूऔषधसहित पक्राउ गरेको हो। पक्राउ पर्नेमा पुनर्वास नगरपालिका–११, भीमबस्तीका २० वर्षीय निशान्त ढकाल, कैलालीको धनगढी उपमहानगरपालिका–३, तिल्केतालका १८ वर्षीय एक किशोर र धनगढी उपमहानगरपालिका–१४, स्याउले बजारका १८ वर्षीय अर्का किशोर रहेका छन्।
उनीहरूलाई प्रहरी चौकी परासनबाट खटिएको टोलीले नियन्त्रणमा लिई आवश्यक अनुसन्धान गरिरहेको जनाएको छ।
यस्तै, भीमदत्त नगरपालिका–९, ब्रह्मदेवस्थित स्थानीय २० वर्षीय संजय लावडलाई १०० मिलिग्राम लागूऔषध खैरो हेरोइनसहित पक्राउ गरिएको छ। उनलाई इलाका प्रहरी कार्यालय ब्रह्मदेवबाट खटिएको टोलीले नियन्त्रणमा लिएको हो।
दुवै घटनाका सम्बन्धमा थप अनुसन्धान जारी रहेको प्रहरीले जनाएको छ।
