डोटी,जेठ ६ , डोटी जिल्लाको जोरायल गाउँपालिका वडा नम्बर २, कठपतेमा चट्याङ परेको घटनामा दुई जना घाइते भएका छन्।
आज साँझ करिव साढे ८ बजेकाे समयमा स्थानीय गोपाल दर्लामीको घर नजिकै रहेको सल्लाको रुखमा चट्याङ पर्दा त्यसको झिल्काले घरभित्र रहेका उनका परिवारलाई क्षति पुर्याएको हो।
चट्याङको कारणले गोपाल दर्लामीकी १७ वर्षीया छोरी दीपिका दर्लामीको छाती र पेटमा चोट लागेर उनी मध्यम घाइते भएकी छन्। साथै, दुई वर्षीया नातिनी प्रतिका दर्लामी चट्याङको धमाकाबाट अचेत अवस्थामा पुगेकी छन्।
घाइते दुवैलाई तत्कालै एम्बुलेन्समार्फत उपचारका लागि धनगढी पठाइएको जिल्ला प्रहरी कार्यालय, डोटीले जनाएको छ।
