सिलगढी, वैशाख २१
हाल देशमा पश्चिमी वायु तथा स्थानीय वायुको प्रभावका कारण काठमाडौंसहित देशका केही पहाडी भागहरूमा हल्का वर्षा भएको छ। मौसम पूर्वानुमान महाशाखाद्वारा जारी ‘बुलेटिन’अनुसार बङ्गालको खाडीबाट भित्रिरहेको जलवाष्पयुक्त हावाको पनि आंशिक प्रभाव रहेको जनाइएको छ।

आज दिउँसो देशभर आंशिकदेखि साधारणतया बदली रहनेछ। कोशी र लुम्बिनी प्रदेशसहित देशका पहाडी भू–भागका केही स्थानहरूमा तथा अन्य भू–भागका केही स्थानहरूमा मेघगर्जन, चट्याङ र हुरीबताससहित हल्कादेखि मध्यम वर्षा हुने सम्भावना रहेको महाशाखाले जनाएको छ। साथै, हिमाली तथा पहाडी भू–भागका केही स्थानहरूमा हल्का वर्षा र हिमपातको सम्भावना पनि छ।

आज राति पनि देशको पहाडी भागहरूमा आंशिकदेखि साधारणतया बदली रहनेछ भने बाँकी भू–भागमा आंशिक बदलीको सम्भावना रहेको छ। पहाडी भू–भागका केही स्थान र अन्य भागका एक–दुई स्थानहरूमा मेघगर्जन र चट्याङसहित हल्कादेखि मध्यम वर्षा हुन सक्नेछ। हिमाली भागका एक–दुई स्थानमा हल्का वर्षा र हिमपातको सम्भावना कायम रहेको महाशाखाले जनाएको छ।