काठमाडौँ — राष्ट्रिय परीक्षा बोर्डले कक्षा १२ को वार्षिक परीक्षा यही वैशाख २१ गतेदेखि जेठ २ गतेसम्म नियमित रूपमा सञ्चालन हुने जनाएको छ।
यसअघि बोर्डले परीक्षा वैशाख ११ गतेदेखि गर्ने तालिका सार्वजनिक गरेको थियो। तर, नेपाल शिक्षक महासङ्घको आन्दोलनका कारण परीक्षा मिति सारिएको हो। पछिल्लो सहमतिपछि अब तोकिएको परीक्षा केन्द्रहरूमा परीक्षा सञ्चालन हुने बोर्डले स्पष्ट पारेको छ।
परीक्षा सन्दर्भमा सामाजिक सञ्जालमा बोर्डको लोगो प्रयोग गरी गरिएको भ्रामक प्रचारप्रति आपत्ति जनाउँदै, बोर्डले त्यस्ता सूचनामा नझुक्न आग्रह गरेको छ। बोर्डको कुनै आधिकारिक फेसबुक पेज नरहेको र सूचना केवल वेबसाइटमार्फत मात्र सार्वजनिक हुने जानकारी दिइएको छ।
बोर्डले सबै केन्द्राध्यक्ष, शिक्षक, कर्मचारी, सुरक्षा निकाय, अभिभावक, सञ्चारकर्मी तथा सरोकारवालालाई परीक्षा मर्यादित र सफल रूपमा सम्पन्न गराउन सहयोग गर्न अनुरोध गरेको छ।
प्रतिक्रिया
सम्बन्धित खवर
