कैलाली, वैशाख १८ – कैलालीको जानकी गाउँपालिका–३ स्थित डुडेझारी सडकखण्डमा दुई मोटरसाइकल एकआपसमा ठोक्किँदा एक जनाको मृत्यु भएको छ भने तीन जना घाइते भएका छन्।
बुधवार दिउँसो वडा कार्यालय अगाडि से ५ प २६६० र सुदूरपश्चिम प्रदेश ०१०१२ प ८०७५ नम्बरको मोटरसाइकल ठोक्किएको जिल्ला प्रहरी कार्यालय कैलालीले जनाएको छ।
दुर्घटनामा जानकी गाउँपालिका–८ का १९ वर्षीय राकेश परियार गम्भीर घाइते भएका थिए। उनलाई उपचारका लागि नेपालगञ्जको सेवा नर्सिङ होम लगिएको थियो, तर उपचारका क्रममा उनको मृत्यु भएको प्रहरीले जनाएको छ।
अर्का चालक ४५ वर्षीय पुष्कर शाहीको अवस्था गम्भीर रहेको र उनको कोहलपुर मेडिकल कलेजमा उपचार भइरहेको छ।
मोटरसाइकलमा पछाडि सवार १३ वर्षीया प्रिन्सी शाही र १८ वर्षीय कमल रावल घाइते भएका छन्। उनीहरूको अवस्था खतरामुक्त रहेको र टीकापुर अस्पतालमा उपचार भइरहेको प्रहरीले जनाएको छ।
