डाेटी /डाेटीकाे जाेरायल गाउँपालिका २ मेल खोला स्थित भिमदत्त राजमार्गमा धनगढीबाट बैतडी पुर्चौडी तर्फ जाँदै गरेको इभी हाइस दुर्घटना हुँदा एक जनाकाे मृत्यु भएकाे छ भने चालक सहित ६ जना घाइते भएका छन् ।
मृत्युु हुनेमा बैतडीकाे डिलाशैनी गाउँपालिका ४ का अन्दाजी ४५ वर्षीय हर्क बहादुर नेगी रहेका छन् । दुर्घटनाबाट घाइते नेगीकाे मायामेट्राे अस्पताल धनगढीमा डाक्टरले चेकजाँच गर्दा मृत घाेषणा गरेकाे जनाएको छ ।
त्यस्तै गम्भीर घाइते हुनेमा गाडी चालक बैतडीकाे पुर्चौडी बस्ने अन्दाजी २४ वर्षीय अशाेक बम रहेका छन् ।
त्यस्तै घाइते हुनेहरूमा क्रमशः बैतडीकाे डिलाशैनी गाउँपालिका ४ का २७ वर्षीय धिरेन्द्र नेगी, ४४ वर्षीय जगदिश जोशी, ५३ वर्षीय को राम बहादुर नेगी , ६५ वर्षीय धना नेगी,२८ को बिर बहादुर नेगी रहेका छन् । घाइतेहरूकाे धनगढी सेती प्रादेशिक अस्पतालमा उपचार भैरहेकाे छ ।
गम्भीर घाइते चालक बमले चलाएको सु.प.प्र.०२००१ ज. ०५६७ नं. को हाइस आफै अनियन्त्रित भएर गएराती साढे ११ बजे दुर्घटना भएकाे जिल्ला प्रहरी कार्यालय डाेटीले जनाएको छ। हाइस सडकबाट ५०/६० मिटर तल खस्दा खसेकाे छ ।
