कञ्चनपुर, वैशाख २ – कञ्चनपुर जिल्लामा भन्सार छली गरी ल्याइएका झण्डै साढे तीन लाख रुपैयाँ बराबरको सामान प्रहरीले बरामद गरेको छ।
जिल्ला प्रहरी कार्यालय कञ्चनपुरबाट खटिएको प्रहरी टोलीले अन्दाजी २ लाख ५० हजार, इलाका प्रहरी कार्यालय गड्डाचौकीले ६२ हजार ६ सय, इलाका प्रहरी कार्यालय बह्रमदेवले ५२ हजार, र अस्थायी प्रहरी बिट सुकाशालले १२ हजार ४५० रुपैयाँ बराबरका भन्सार छलीका सामान फेला पारेका हुन्। यो कारबाहीबाट जम्मा ३ लाख ३२ हजार ५० रुपैयाँ बराबरको भन्सार नतिरी ल्याइएका सामग्रीहरू बरामद गरिएको प्रहरीले जनाएको छ।
बरामद गरिएका सामानहरूमा चप्पल, कस्मेटिक सामग्री, बिजुली तथा हार्डवेयरका सामान, कपडा, सुर्ती, चिनी र गुट्खा आदि रहेका छन्।
सामानहरू आवश्यक अनुसन्धान र कारबाहीको लागि गड्डाचौकी भन्सार कार्यालय, कञ्चनपुर पठाइएको जिल्ला प्रहरी कार्यालयले जनाएको छ।
