डोटी,
डाेटी जिल्लामा कृषि ज्ञान केन्द्र डोटीले पहिलोपटक टमाटर (सिर्जना) र काक्रा (मधु) को हाईब्रिड बीउ उत्पादनका लागि क्रसिङ कार्य परीक्षण गरिएकाे छ । ज्ञाने केन्द्रले दिपायल सिलगढी नगरपालिका वडा नम्बर ४ र ५ का किसानकाे बारीमा उक्त कार्य गरेकाे हाे ।
कृषि ज्ञान केन्द्र डोटीका प्रमुख गंगादत्त अवस्थीका अनुसार उक्त कार्य जिल्लामा टमाटर र काँक्रामा परीक्षण तथा अनुसन्धान प्रयोजनका लागि गरिएको छ । यदि परीक्षण कार्य सफल भएपछि यसले स्थानीय स्तरमै उन्नत जातका बीउ उत्पादनको सम्भावना बढ्ने अवस्थीले बताए ।
प्रभुख अवस्थीले थपे “हामीले पहिलो चरणको क्रसिङ कार्य सम्पन्न गरेका छौं, अबको चरणमा यो परिक्षणको नतिजा परीक्षण हुनेछ। आशा छ, यसले उत्कृष्ट र सफल परिणाम दिनेछ।” उनले भने ।
स्थानीय स्तरमै उच्च उत्पादक र रोग प्रतिरोधी जात विकास गर्ने उद्देश्यले गरिएको यो प्रयास कृषि अनुसन्धान र प्रविधिमा आत्मनिर्भरता तर्फको महत्वपूर्ण कदम मानिएको छ।
