कञ्चनपुर / कञ्चनपुरको दोधारा चाँदनी नगरपालिका–३, बडुवाल टोलस्थित दशगजा क्षेत्रमा एक वयस्क भाले हात्ती बिहीवार बिहान मृत अवस्थामा फेला परेको छ।
शुक्लाफाँटा राष्ट्रिय निकुञ्जका पशु चिकित्सक डा. आभाश श्रेष्ठ का अनुसार हात्तीको सुँडमा घाउ देखिएको छ, तर अन्य भागमा कुनै चोटपटक छैन।
“अहिले नै मृत्युको कारण ठोकुवा गर्न सकिँदैन। पोष्टमार्टमपछि मात्रै वास्तविक कारण खुल्नेछ,” श्रेष्ठ भन्छन्।
घटनास्थल नेपाल-भारत सीमाक्षेत्र दशगजामा पर्छ। भारतीय वन विभागको टोली पनि घटनास्थलमा पुगेको छ। सीमावर्ती क्षेत्रमा यसरी हात्ती मृत फेला पर्नु गम्भीर विषय हो। के यो प्राकृतिक मृत्यु हो, वा अन्य कुनै रहस्य लुकेको छ?
नेपाल र भारत दुवैतर्फका निकायहरू यस घटनाबारे अनुसन्धान गरिरहेका छन्। अब पोष्टमार्टम रिपोर्टले मात्र बताउनेछ—यो हात्तीको मृत्यु प्राकृतिक थियो, वा यसमा कुनै मानवीय चलखेल लुकेको छ!
