डडेल्धुरा / डडेल्धुरामा ग्राहकलाई झुक्याउँदै खसीको नाममा बाख्राको मासु बिक्री गर्ने एक मासु व्यापारी पक्राउ परेका छन्। अजयमेरु गाउँपालिका-२ निवासी, हाल अमरगढी नगरपालिका-५ तुफानडाँडामा बस्दै आएका ४५ वर्षीय मानबहादुर बोहरालाई प्रहरीले पक्राउ गरेकाे हाे ।
बोहराले तुफानडाँडामा एमबी मासु पसल सञ्चालन गर्दै आइरहेका थिए। स्थानीयले दिएको गोप्य सूचनाका आधारमा प्रहरीले छापा मार्दा, उनले पसलमा बाख्रा काटिरहेको भेटिएको थियो। प्रहरीले ३१.२२० किलोग्राम बाख्राको मासु बरामद गर्दै उनलाई नियन्त्रणमा लिएको छ।
प्रहरी निरीक्षक उपेन्द्र बमका अनुसार बोहरामाथि उपभोक्ता ठगी तथा भ्रामक व्यापारको आरोपमा अनुसन्धान अघि बढाइएको छ।
