
डोटी / डोटी जिल्लाको पुर्विचौकी र केआईसिँह गाँउपालिकाका २ सय ५० घरधुरीलाई शुद्धखानेपानीका लागी फिल्टर सहयोग गरिएको छ ।
सम विकास केन्द्र नेपाल नामक गैरसरकारी संस्थाले उक्त दुई स्थानिय तहका एकल महिला तथा अपांगता भएका घरपरिवारलाई कोरोनाकहरका विच शुद्ध खानेपानीमा पहुँच पुराउने उदेश्यका साथ फिल्टर सहयोग गरेको उक्त संस्थाका अध्यक्ष अधिराज विसिले बताए ।
सीमान्तकृत विपन्नका रुपमा छनौट गरिएका पूर्विचौकी गाउँपालीका वडा नं. ३ , ४ र केआईसिँह गाउँपालीका वडा नं. ४, ६ र ७ का २ सय ५० परिवारलाई जनहिएककए ओटा फिल्टर सहयोग गरिएको सो संस्थाका सुचना अधिकारी पदम मिजारले बताए ।
समुदायस्तरमा खानेपानीलाई शुद्धिकरण गर्ने बानीको विकास नभएका कारण अशुद्ध पानी पिउदा विभिन्न रोगको शिकार हुनु पर्ने भएका कारण पनि शुद्ध पिउने पानी पिउने बानीको विकास गराउनका लागी पनि अहिले वितरण गरिएको फिल्टरले सहयोग पुराउने संस्थाले विश्वास लिएको उक्त संस्थाले जनाएको छ ।
डिसिए नेपालको आर्थिक सहयोगमा संचालित साकार परियोनाको सहयोगमा सम्वन्धी गाँउपालिकाका जनप्रतिनिधिहरुको रोहबरमा उक्त सामाग्री सम्वन्धीत व्यक्तिहरुलाई वितरण गरिएको संस्थाका कर्मचारी नरेन्द्र वहादुर विकले बताए ।
केआईसिँह गाँउपालिकामा १ सय ५० परिवार र पुर्विचौकी गाँउपालिकाका एक सय परिवार उक्त फिल्टर वितरण गरिएको हो । जनहि एक फिल्टरको १ हजार ८ सय ५० परेको र कुल ४ लाख ६२ हजार पाँच सय रुपैयाँ उक्त कार्यक्रममा खर्च भएको सम विकास केन्द्र डोटीले जानकारी दिएको छ ।