सर्लाही । सर्लाही जिल्लामा बस दुर्घटना हुँदा १५ जना घाइते भएका छन् ।
सर्लाही प्रहरीकाअनुसार बसमा ३५ जना सवार थिए, जसमध्ये १५ जना घाइते भएका हुन् । घाइते हुने अधिकांश महिला छन् । घाइते सबै खतरामुक्त रहेकाे प्रहरीले जनाएको छ ।
महोत्तरीको बर्दिबासमा आयोजित लघुवित्त पीडितको प्रदर्शनमा सहभागी सहभागी भएर सर्लाही फर्किंदै गरेका यात्रु दुर्घटनामा परेका हुन् ।
पूर्वपश्चिम राजमार्गमा सर्लाहीको ईश्वरपुर नगरपालिका–१३ मा बाँके जंगलमा ना.७ ख ३६४३ नम्वरको बस दुर्घटनामा परेको जिल्ला प्रहरी कार्यालय सर्लाहीले जनाएको छ ।
बस तिब्र गतिका कारण दुर्घटना भएकाे प्रहरीले जनाएको छ ।बस दुर्घटनापछि चालक फरार भएका छन् । उनको खोजी भइरहेको प्रहरीले जनाएको छ ।
