सिलगढी / शैलेश्वरी क्षेत्र विकास समितिका अध्यक्ष प्रेमशंकर भट्टले मन्दिरमाथि कसैले पनि राजनिति गर्न नहुने भन्दै खबरदारी गरेका छन् ।
सुदुरपश्चिमकाे मात्र नभई देशकै प्रमुख धार्मिक स्थलकाे रुपमा रहेकाे शैलेश्वरी मन्दिरकाे विकासका लागि स्थापना भएकाे शैलेश्वरी क्षेत्र विकार समितिकाे ५३ ओैँ साधारण सभालाई सम्वाेधन गर्दै भट्टले त्यस्ताे बताएका हुन् ।
भट्टले भने – मन्दिर मेराे निजि हाेईन, मन्दिर सबैकाे साझा हाे, मन्दिरकाे महिमा र गरिमाले शहरहरु बसेका ईतिहास छन्, मन्दिर कै कारण साे क्षेत्रकाे विकाश हुने गरेकाे छ, सहर बसेकाे छ, कयाैले राेजगारी समेत पाएका छन्, जिविकाेपार्जन गरेका छन्, हाम्राे क्षेत्रमा पनि त्यस्तै हुन सक्छ ।
मलाई आग्रह पुर्वाग्रमा पर्नु छैन, जे सत्य हाे त्यहि बाेल्छु । मन्दिर साझा हाे मन्दिरकाे विकाशका लागि कसले के गरे भन्ने प्रश्न राख्दै दिपायल सिलगढी नगरपालिकालाई लक्षित गर्दै भट्टले अगाडि भने – पछिल्लाे स्थानिय तहकाे निर्वाचन भएकाे ३ बर्ष भयाे, शैलेश्वरी मन्दिर विकासका लागि नगरपालिकाले कति बजेट हाल्याे ? मन्दिर नजिक भाैतिक पुर्वाधारका के कति कामहरु भए ?
नगरपालिकाप्रति आक्राेश पाेखेका भट्टले डाेटीकाे विकाशका लागि याेगदान नगर्ने नेताहरुकाे खुलेरै विराेध गरे भने, विकाशमा याेगदान गरेकाे भनी केही नेताकाे प्रशंसा समेत गरे । प्रशंसा पाउने नेताहरुमा डाेटीका प्रतिनिधि सभाका सदस्य प्रेम वहादुर आले, माओवादी केन्द्रका नेता तथा सुदुरपश्चिम प्रदेशका संस्थापक मुख्यमन्त्री त्रिलाेचन भट्ट, पुर्व राष्ट्रपति विद्या देवि भण्डारी, दिपायल सिलगढी नगरपालिकाका पुर्व नगरप्रमुख मन्जु मलासी लगाएतका थिए ।
