
अछाम / पछिल्लो समयमा एमाले पार्टी प्रतिकाे चटक्कै माया मारेर संगठन छाेड्नेहरूकाे घुइँचो छ । त्यस्तै पार्टीको कार्वाहीमा पर्ने नेता र कार्यकर्ताकाे कुरै नगराैँ । नेकपा एमालेका नेता डा भिम रावलाई पार्टीबाट निस्कासन गरेसँगै त्याे क्रम जारी छ । संगठनमा आवद्ध नेता र कार्यकर्ता धमाधम काेही निलम्बनमा परिरहेका छन् भने काेही निस्कासन त काेही आफै राजिखुसी माया मारी रहेका छन् । प्रायः पार्टी भित्र याे अवस्था केन्द्र र सुदुरमा छ । सुरपश्चिमकाे कैलाली र धनगढीमा याे क्रम झनै जारी छ ।
त्यसैगरी पार्टीको हित विपरीत कार्य गरेको भन्दै नेकपा (एमाले) अछामले छ जनालाई जिम्मेवारी मुक्त गराएकाे छ । अझ भनाैँ दिदै आएकाे जिम्मेवारी खाेसेकाे छ । पार्टीको विधान विपरीत कार्यमा संलग्न भएको भन्दै प्रेस विज्ञप्ति मार्फत उनीहरूलाई विभिन्न पदकाे जिम्मेवारीबाट निष्कासन गरेकाे छ ।
कार्वाहीमा पर्ने व्यक्ति जिल्ला कमिटीका सचिवालय सदस्य तथा सङ्गठन विभाग प्रमुख प्रकाश शाह, सचिवालय सदस्य सागरसिंह बाब्ली, जिल्ला सदस्य बलबहादुर कुँवर, शङ्कर भुल, रतन रावल र साँफेबगर नगर कमिटी अध्यक्ष ढकेन्द्र कुँवर रहेका छन् ।
उनीहरूलाई पार्टी विधानको धारा ८० को उपधारा १, २, ३, ४, ५, १२ र १३ विपरीत गतिविधि गरेकाे आराेप छ ।
विज्ञप्तिमा उल्लेख गरेकाे छ ,’ पार्टीका आधिकारिक व्यक्तिलाई कुनै पनि जानकारी नदिई एमाले छोडेको भ्रमपूर्ण समाचारलाई सामाजिक सञ्जाल तथा सञ्चार माध्यमबाट सम्प्रेषण गरेको, पार्टीलाई कमजोर पार्न सञ्चालन गरिएको मातृभूमि जागरण अभियान नेपाल नामक जुलुसमा समावेश भएर प्रधानमन्त्री पार्टीका अध्यक्ष केपी शर्मा वली विरुद्ध अलोकतान्त्रिक र अशोभनीय नाराबाजी र पार्टी विरुद्धको जुलुसमा सक्रिय भूमिका खेलेको छ ।’
उनीहरू डा. भीम रावल पक्षका हुन् ।