बासिङटन / अमेरिकामा भारी हिमपात हुँदा जनजीवन प्रभावितत भएको छ । एक दशकपछि कै भारी हिमपातका कारण हजारौं हवाई उडान प्रभावित भएका छन् । सेन्ट लुइस र मिसौरी हुवाईअड्डा सबैभन्दा बढी प्रभावित भएको बताइएको छ । कन्सास र मिसौरीमा हिमआँधीको चेतावनी दिइएको छ भने थप हिमपातको अनुमान समेत गरिएको छ । लाखौं अमेरिकीहरु एक विशाल हिमआँधीको चपेटामा पर्ने अनुमान समेत गरिएको छ ।
साथै भारी हिमपाताका कारण जनजीवन प्रभावित भएपछि देशका केन्टुकी, भर्जिनिया, कन्सास, अर्कांसस र मिसौरी राज्यमा आपतकाल घोषणा गरिएको बीबीसीले जनाएको छ । सम्भावित आँधीको चेतावनीका कारण ४५ सय उडान निलम्बित भएका छन् भने दुई हजार बढी उडान रद्द भएका छन् ।
