डाेटी / डाेटीमा करिव १८ घण्टा देखि अवरुद्ध इन्टरनेट सेवा सुचारू भएकाे छ । सनिवार साँझ साढे ५ बजेकाे समयमा अबरुद्ध भएकाे इन्टरनेट सेवा आज बिहान साढे १० बजेकाे समयमा सुचारू भएकाे हाे ।
नेपाल टेलिकम दुरसंचार सेवा सिलगढीका अनुसार उक्त अवधिभर सुदुरपश्चिमका डाेटी, अछाम र बाजुरा गरि ३ जिल्लामा ईन्टरनेट सेवा अबरुद्ध भएकाे जनाएको छ ।
डोटी जिल्लाको दिपायल सिलगढी नगरपालिका वडा नम्बर ५ अबस्थित बागमारामा टेलिकमको अप्टिकल फाइबर चुँडिएपछि इन्टरनेट सेवा घण्टौसम्म अबरुद्ध भएको नेपाल टेलिकम दुरसचार कार्यालय सिलगढी डोटीका प्राविधिक कुलदिप बरालले बताउनुभयो । उहाँले भन्नुभयो,” हिजाे साँझदेखि निरन्तर पानी परेपछि आज बिहानै इन्टरनेको अप्टिकलमा खाेज्ने क्रममा पत्ता लाउन अबेर भएकाले ढिलाे भएकाे हाे ।”
उक्त अवधिभर इन्टरनेट सेवा अबरुद्ध हुँदा सञ्चार क्षेत्रबाट हुने दैनिकी कार्यहरूमा ठूलाे अबरोध पुगेकाे स्थानीयले बताएका छन् ।
इन्टरनेट अवरुद्ध हुनुभन्दा पहिले घरिघरि आउने जाने भैरहेकाे थियाे ।
