डाेटी / नेकपा एमाले डोटीको अध्यक्षमा मञ्जु मलासी विजयी भएकी छन्। सोमबार सम्पन्न निर्वाचनमा उनले आफ्ना प्रतिद्वन्द्वी शेरबहादुर मल्ललाई ४४ मतको अन्तरले पछाडि पारेकी हुन् ।
४ सय १२ मतमध्ये मलासीले २ सय १५ मत प्राप्त गरेकी थिइन् भने मल्लले १७१ मत ल्याएका थिए।
त्यस्तै उपाध्यक्षमा खगेन्द्र बडैला, सचीवमा पदमराज भट्ट, उपसचिवमा डम्मर सिंह डौडी र उपसचिव (महिला) बिस्ना सिंह निर्वाचित भएका छन् ।
अधिवेशनमा सर्वसम्मत नेतृत्व चयन नभएपछि मंसिर ३० गते उम्मेदवारी दर्ता भएर हिजो पुस १ गते मतदान भएको थियो ।
सेती सभा हल राजपुरमा सम्पन्न निर्वाचनमा सबै ५ जना पदाधिकारीहरु, ११ जना खुल्ला सदस्य, समावेशीतर्फ ५ जना दलित सदस्य, ४ जना जनजाति सदस्यमा निर्वाचन भएकाे थियाे ।
