मनमाेहन ठकुल्ला, डाेटी
तिहार सकिएसँगै डाेटीकाे मिनी खप्तडमा आन्तरिक पर्यटककाे घुइँचो लाग्न थालेकाे छ ।
जिल्लाकाे पूर्वीचाैकी गाउँपालिका वडा नम्बर २ अबस्थित मिनि खप्तडकाे उपमा पाएकाे बगलेक क्षेत्रमा तिहारमा देउसी भैलाे खेलेर बनभाेज खाने आन्तरिक पर्यटककाे लर्काे लाग्न थालेकाे स्थानीयले बताएका छन् ।
दिनप्रतिदिन विभिन्न क्षेत्रबाट बनभाेजसँगै नाचगान गरेर रमाइलो गर्ने पर्यटकहरू आउने गरेकाे स्थानीय सवारी चालक कृष्ण बहादुर ओलीले बताए । उनले भने ,” पर्यटकले आजभोलि बगलेक बजारमासहित चहलपहल बढेकाे छ ।
साथै मिनि खप्तडमा वनभाेज खान आउने पर्यटक भित्रिएसँगै व्यापार व्यवसायमा अलिकति भएपनि वृद्धि भएकाे स्थानीय व्यापारीकाे भनाइ छ ।
पछिल्लो समयमा आन्तरिक तथा बाह्य पर्यटक आउने गरेकाे भएपनि उक्त क्षेत्रमा फाेहाेर मैला व्यवस्थापनमा समस्या देखिएकाे स्थानीय बुद्धिजीवीहरूले बताएका छन् ।
मिनि खप्तड जिल्ला सदरमुकाम सिलगढीबाट करिव १० किलाे किटरकाे दुरीमा रहेकाे छ । जहाँ वर्तमान समयमा सडक कालाेपत्र भैसकेपछि ३० मिनेटमा सजिलै पुग्न सकिन्छ ।
जिल्ला सदरमुकाम सिलगढीबाट झिग्रानासम्म सडक कालाेपत्र भएपनि सडकको हेरचाह नहुँदा कतिपय क्षेत्रमा नाली भत्किँदा सडक
भत्किने सम्भावना रहेकाे आन्तरिक तथा बाह्य पर्यटकले गुनासाे गरेका छन् ।
उक्त सडक खण्ड पूर्वाधार विकास कार्यालय डडेलधुराकाे संरक्षणको घेरामा परेपनि सडक भत्किएकाे जानकारी गराउदा अबअब भन्दै टार्दै गरेकाे सञ्चारकर्मीहरूकाे भनाइ छ । सुदुरपश्चिम प्रदेश भौतिक पूर्वाधार विकास मन्त्रालयमा सिलगढी झिग्राना सडक खण्ड भत्किरहेकाे बारेमा जानकारी गराउदा सुनुवाइ नभएकाे एकजना जिल्ला सदरमुकाम बासी बताउछन् ।
सदरमुकामदेखि झिग्रानासम्म करिव १५ किलाेमिटरकाे दुरीमा रहेकाे सडकखण्ड वर्तमान समयमा धेरै जसाे क्षेत्रमा सडक भासिनुका साथै सडककाे नालि भत्किएकाे छ । दिनप्रतिदिन सडक भत्किन लाग्दा सराेकारवालाकाे भने ध्यानाकर्षण भएकाे छैन् ।
