सिलगढी / देशभर १४ हजार ९७५ जनामा डेंगु संक्रमण पुष्टि भएको छ । इपिडिमियोलोजी तथा रोग नियन्त्रण महाशाखा (इडिसिडी)को तथ्यांकअनुसार ७७ जिल्लामध्ये जुम्लाबाहेक सबै जिल्लाका १४ हजार ९७५ जनामा डेंगु संक्रमण पुष्टि भएको हो ।
इडिसिडीको तथ्यांकअनुसार सबैभन्दा बढी कास्की जिल्लामा दुई हजार २२१ जनामा डेंगु संक्रमण देखिएको छ । यस्तै, तनहुँमा एक हजार ७२६, काठमाडौंमा एक हजार ९८६ जना डेंगु फैलिएको छ । यस्तै, पर्वतका एक हजार २८३ जनामा डेंगु संक्रमण पुष्टि भएको इडिसिडीको तथ्यांक छ ।
यस्तै, चितवनमा ८२९, गोरखामा ५५२ ,ललितपुरमा ४४८, बागलुङमा ३३९, स्याङ्जामा २६४, कैलालीमा २३९ जनामा डेंगु संक्रमण पुष्टि भएको इपिडिमियोलोजी तथा रोग नियन्त्रण महाशाखाले जनाएको छ। यी दश जिल्ला सबैभन्दा बढी डेंगु संक्रमण भएका जिल्ला हुन् ।
इपिडिमियोलोजी तथा रोग नियन्त्रण महाशाखाअनुसार कुन प्रदेशमा कति ?
देशभरका सातवटा प्रदेशमध्ये सबैभन्दा बढी गण्डकी प्रदेशमा डेंगु संक्रमण फैलिएको छ । यहाँ ६ हजार ४८९ जना डेंगु संक्रमित छन् । यस्तै, बागमती प्रदेशमा ४ हजार ४८९, कोशी प्रदेशमा एक हजार ३२९ जनामा डेंगु पुष्टि भएको इडिसिडीले जनाएको छ ।
यस्तै, लुम्बिनी प्रदेशमा ९९५ जना, कर्णाली प्रदेशमा २२० जनामा डेंगु संक्रमण भएको छ । यस्तै, मधेस प्रदेशमा २८९ र सुदूरपश्चिम प्रदेशमा ७३९ जनामा डेंगु पुष्टि भएको सरकारी तथ्यांक छ ।
डेंगु रोग डेंगु भाइरसबाट संक्रमित एडिज जातका लामखुट्टेको टोकाइबाट सर्ने सरुवा रोग हो । यो रोगको संक्रमणबाट जोगिन लामखुट्टेको टोकाइबाट जोगिनु रहेको चिकित्सकको सुझाव छ ।
प्रतिक्रिया
सम्बन्धित खवर
