मनमाेहन ठकुल्ला, डाेटी
डाेटी जिल्ला सदरमुकाम अबस्थित पद्म पब्लिक मुक्ति नारायण माध्यमिक विद्यालयले सामाजिक परीक्षण सम्पन्न भएकाे छ । शुक्रबार अभिभावक तथा सराेकारवाला व्यक्तिहरूकाे सहभागीतामा एक ओैपचारिक कार्यक्रमकाे आयाेजना गरी दिपायल सिलगढी नगरपालिका ६ अबस्थित उक्त विद्यालयले आर्थिक वर्ष २०८०/८१ काे सामाजिक परिक्षण गरेकाे हाे ।

विद्यालयकाे गत आर्थिक वर्षमा ५ कराेड ७२ लाख ९८ हजार ६ सय ८७ . ८८ पैसा आमदानी भएकाे छ । जसमध्ये विद्यालयले ४ कराेड ८२ लाख ८२ हजार ४ सय ४२ रूपैयाँ ६६ पैसा खर्च भएकाे उपलब्ध अभिलेखमा उल्लेख गरिएकाे छ ।

सामाजिक परिक्षणमा सराेकारवाला पक्षहरूले विद्यालयकाे शैक्षिक गुणस्तर सुधारकाे निमित्त विद्यालयलाई विभिन्न सुझाव समेत दिएकाे प्रधानाध्यापक केशवराज ओझाले बताउनुभयो । मनोपरामर्ग कक्षाको व्यवस्था गर्नुपर्ने,फिडरावाभागमा स्टडी गम, भान्सा तया खानेपानीको लागि उचित व्यवस्थापनका नागि पहल गरिनुपर्ने, भाडामा रहेका भवनको भाडा नियमित रुपमा विद्यालयमा जम्मा हुनु पर्ने, सिकाइ उपलब्धि सुधार हुनु पर्ने सामाजिक परीक्षण प्रतिवेदनमा विद्यालयको ऐतिहासिक पृष्ठभूमी समेटिनु पर्ने, मोवाइल फोन विद्यालय परिसरमा पूर्ण रुपमा निषेध हुनु पर्ने, विद्यार्थीलाई नियमित विद्यालयमा उपस्थित गरिनुपर्ने, आधारभूत तह (बालविकास देखि कक्षा ५ सम्म विद्यार्थीको सङ्ख्या वृद्धि गर्ने, अभिभावक सचेतना कार्यक्रम गर्नुपर्ने, सटरको भाडा सम्बन्धमा सामाजिक प्रतिवेदनमा समावेश गर्नु पर्ने, आदि लगायतका विषयमा सराेकारवालाले विद्यालयलाई सुझाव दिएका छन् ।

विद्यालयको भावी योजना के छ ?

१.विद्यालय तथा छात्रावासको पर्णरुपमा घेरबार गर्ने,

२.नमुना विद्यालयको भौतिक तथा शैक्षिक कार्यक्रमहरु सम्पन्न गर्ने,

३. कक्षा ११ र १२ मा विज्ञान विषय अध्ययन गर्ने विद्यार्थी सङ्ख्या वढाई व्यवस्थित गर्ने

४. विज्ञान विषय अध्ययन गर्ने विद्यार्थीहरुका लागि छात्रावास निर्माण गर्ने

५ महिला फिडर छात्राबासको नयाँ भवनको माथि तला थप्ने

६ विशेष कक्षा अध्ययन गर्ने बालबालिकाको लागि छात्रबासको निर्माण गर्ने

७ 3S-12CR भवन सम्पन्न गरी पठनपाठनमा प्रयोग गर्ने

८ कक्षा ८, १० र १२ को बोर्ड परीक्षा दिने विद्यार्थीहरुका लागि नियमित कोचिङ कक्षा सञ्चालन गर्ने

९ सिकाइ उपलब्धी वृद्धि गर्न हाल आएको नतिजामा सुधार ल्याउन विव्यस, शिअसंघ तथा अभिभावकसँग विस्तृत छलफल तथा अन्तकिया कार्यक्रम सञ्चालन गर्ने,

१० विद्याथी सदन, बालक्लव, रेडक्रस सर्कल, स्काउट तथा विद्यालयको विभिन्न विषय समितिहरुलाई थप सक्रिय बनाउने,