सिलगढी, डाेटीमा ७५ वर्षीय वृद्ध कालु सिंह बिस्टको मृत्यु प्रकरणमा हत्या भएकाे आशंकामा आफन्तले शव बुझन मानिरहेका छैन् । आज शनिबार जिल्ला प्रशासन कार्यालय डाेटीमा बसेकाे सर्वपक्षीय बैठकमा मृतकका आफन्तले घटनाको छानबिन, मृतकको पाेष्टआर्टम रिपोर्ट र दाेषीलाई कानुनी दायरामा नल्याउजेलसम्म शव नबुझ्ने बताएका हुन्।
बिहिवार बिहान साढे १० बजे दिपायल सिलगढी नगरपालिका–६ सिलगढी जिप्रका तथा जिल्ला समन्वय समितिकाे आसपास आफ्नै घरमा बाहिरबाट ताला लगाई भित्र मृत भेटिएका विष्टको घटनाबारे छिटो अनुसन्धान गर्न प्रहरी प्रशासनलाई आफन्तले आग्रह गरेका छन् ।
मृतक बिष्टका आफ्न्त भन्छन्,” डाक्टरले रिपोर्ट दिनुपर्छ, दाेषीलाई पक्राउ गर्नु पर्छ, तब मात्रै शव उठ्छ, हैन भने घटना ढाकछोप पनि हुन सक्छ,।”
घटनाको विशेष अनुसन्धान भैरहेको जिल्ला प्रहरी कार्यालय डाेटीका प्रहरी नायब उपरीक्षक भिमलाल भट्टराईले बताउनुभयो ।
