मनमाेहन ठकुल्ला, डाेटी
डाेटीमा आज २१ औँ निजामती सेवा दिवस मनाएकाे छ । ‘व्यावसायिक र सिर्जनशील प्रशासन, विकास, समृद्धि र सुशासन’ भन्ने नाराका साथ निजामती सेवा दिवसकाे अवसरमा विभिन्न कार्यक्रमकाे आयाेजना गरि दिवस मनाएकाे जिल्ला प्रशासन कार्यालय डाेटीले जानकारी दिएकाे छ ।
सेवा दिवशकाे अवसरमा आज ( शनिबार) बिहान जिल्लामा कार्यरत निजामती कर्मचारीहरूले जिल्ला अस्पताल डाेटीमा रहेका १५ जना बिरामीलाई फलफूल वितरण गरिएकाे प्रशासन नायब सुब्बा लाल बहादुर बाेगटीले बताउनुभयो । साथै दिवसको अवसर पारेर निजामती सेवामा असार मसान्तभित्र निबृत कर्मचारीलाई सम्मान गरिएकाे सुब्बा बाेगटीले बताउनेभएकाे छ ।
दिवसकाे पूर्वसन्ध्यामा शुक्रबार सिलगढी अबस्थित टुडिखेल मैदानमा फूटबल प्रतियोगिताकाे आयाेजना गरेकाे प्रशासनले जानकारी दिएकाे छ ।
सरकारले २०१३ साल भदौ २२ गते निजामती सेवा ऐन जारी भएको दिनको अवसर पारेर हरेक वर्ष भदौ २२ गतेलाई निजामती सेवा दिवसको रूपमा मनाउने गरिएको छ । दिवसको अवसर पारेर निजामती सेवाका उत्कृष्ट कर्मचारीहरूलाई पुरस्कृत समेत गर्दै आएकाे छ ।
